BQO-da 82 myńnan astam zeınetkerdiń zeınetaqysy ósti
Onyń aıtýynsha, bıyl zeınetaqy tólemderi eki márte arttyrylady. Birinshiden, Qazaqstan Respýblıkasynyń «2017-2019 jyldarǵa arnalǵan respýblıkalyq bıýdjet týraly» 2016 jylǵy 29 qarashadaǵy №№ 25-VI Zańyna saı oblys boıynsha 82 myńnan astam zeınetkerge 2017 jyldyń 1 qańtaryna deıin taǵaıyndalǵan yntymaqty zeınetaqy tólemderiniń mólsheri 9 paıyzǵa kóbeıtildi.
Ekinshiden, Elbasynyń tapsyrmasyn oryndaý maqsatynda 2017 jyldyń 1 shildesinen bastap zeınetaqy tólemderi 2016 jyldyń deńgeıine sáıkes 20 paıyzǵa ulǵaıtylady. Mysaly, eger yntymaqty zeınetaqy mólsheri 2016 jyly 40 000 teńge bolsa, 2017 jyldyń 1 qańtarynan bastap 9 paıyzǵa arttyrylyp, 43 600 teńgeni quraıtyn bolady. 2017 jyldyń 1 shildesinen bastap taǵy 11 paıyzǵa ulǵaıtylyp, jalpy mólsheri 48 396 teńge bolady. Osylaısha, 2017 jyly yntymaqty zeınetaqy mólsheri 2016 jylmen salystyrǵanda 20 paıyzǵa ulǵaıtylmaq.
Bazalyq zeınetaqy 2017 jylǵy 1 qańtardan 7 paıyzǵa, Memleket basshysynyń tapsyrmasyn oryndaý maqsatynda 2017 jyldyń 1 shildesinen taǵy da 13 paıyzǵa ulǵaıtylady.
Osy ózgeristerdi eskere otyryp, zeınetaqynyń eń tómengi mólsheri (bazalyq zeınetaqyny eseptegende) 2016 jylǵy 37 789 teńgeden 2017 jylǵy 1 shildede 45 711 teńgege jetedi. Zeınetaqynyń ortasha mólsheri (bazalyq zeınetaqyny eseptegende) 55 154 teńgeden 66 721 teńgege deıin ulǵaıady.
Sondaı-aq áıelderdiń bala týýyna baılanysty beriletin birjolǵy memlekettik járdemaqy mólsheriniń kóbeıtilýi óńir turǵyndaryn qýantatyny anyq. Oblysta jyl saıyn 11 myńnan astam sábı dúnıege keledi. Bul járdemaqy 2017 jylǵy 1 qańtardan 7 paıyzǵa, al 2017 jylǵy 1 shildeden taǵy 20 paıyzǵa arttyrylady. Nátıjesinde 2017 jyly 2016 jylmen salystyrǵanda ósim 27 paıyzdy quraıtyn bolady.
Eger ótken jyly birinshi, ekinshi, úshinshi balanyń týýyna baılanysty beriletin bir jolǵy memlekettik járdemaqy mólsheri 66 621 teńge bolsa, 2017 jylǵy 1 qańtarda 71 270 teńge bolyp, 1 shildede 86 222 teńgege deıin artpaq. Ótken jyly tórtinshi balanyń týýyna baılanysty beriletin bir jolǵy memlekettik járdemaqy mólsheri 111 035 teńge bolsa, 2017 jylǵy 1 qańtarda 118 myń teńge bolyp, 1 shildede 142 947 teńgeni quramaq.
«2017-2019 jyldarǵa arnalǵan respýblıkalyq bıýdjet týraly» Zańyna saı 2017 jylǵy 1 qańtardan bastap:
1) jalaqynyń eń tómengi mólsheri - 24 459 teńge;
2) memlekettik bazalyq zeınetaqy tóleminiń mólsheri - 12 802 teńge;
3) zeınetaqynyń eń tómengi mólsheri - 28 148 teńge;
4) járdemaqylardy jáne ózge de áleýmettik tólemderdi esepteý úshin aılyq eseptik kórsetkish - 2 269 teńge;
5) bazalyq áleýmettik tólemderdiń mólsherin esepteý úshin eń tómengi kúnkóris deńgeıiniń shamasy 24 459 teńge bolyp belgilendi.
Sonymen qatar 2017 jyldyń 1 qańtarynan bastap aılyq eseptik kórsetkish jáne eń tómengi kúnkóris deńgeıiniń shamasy ózgerýine baılanysty barlyq járdemaqylar men áleýmettik tólemder túrleriniń mólsheri 7 (jeti) paıyzǵa ósirildi.