BQO-da 270 myńǵa jýyq adam koronavırýsqa qarsy ekpe saldyrdy
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngide málim etkenindeı, bul – jalpy jospardyń 64,9 paıyzy.
Onyń aıtýynsha, sonyń basym kópshiligi, ıaǵnı 191 148-i «Spýtnık V» vaktsınasyn saldyrdy.
Sondaı-aq oblys boıynsha 253 515 adam ekinshi komponentti de qabyldady.
Qazirgi tańda Pfizer kompanııasynyń «Komırnatı» vaktsınasyn 9 467 adam alsa, sonyń 4 920-sy – jasóspirimder, 340-y – júkti jáne 4 207-si – bala emizetin áıelder.
Óńirde 52 349 turǵyn revaktsınatsııadan ótti. Sonyń ishinde «Spýtnık Lite» vaktsınasymen 2 673 adam egildi. «Komırnatımen» 2 307 adam revaktsınatsııalansa, sonyń 1 052-i – medıtsına qyzmetkerleri, 1 255-i – 60 jastan asqan adamdar.
«Búginde qala jáne aýdan emhanalarynda «Spýtnık V», «QazVac», «Vero Cell», «Komırnatı», «Spýtnık Lite» vaktsınalary jetkilikti kólemde bar», dedi G.Ábdirahmanova.
Onyń sózine qaraǵanda, oblysta 1 631 naýqas ambýlatorııalyq em alyp jatsa, sonyń 1 019-y (62,4 paıyzy) Oral qalasynda.
Sondaı-aq 14 ınfektsııalyq statsıonarda 275 naýqas em qabyldaýda. Aýrýhanalar 36,6 paıyzǵa tolǵan, bul ótken aptamen salystyrǵanda, 16 paıyzǵa az.
Jansaqtaý bólimshesinde jatqan 21 naýqastyń 15-i aýyr, altaýy asa aýyr halde.
Eske sala keteıik, budan buryn BQO-da ınfektsııalyq statsıonarlar 39,4 paıyzǵa tolǵanyn, koronavırýspen aýyrǵan 700-den astam naýqastyń karantın talabyn buzǵandyǵyn jazǵan bolatynbyz.
