BQO-da 100-ge jýyq jer telimi maqsatsyz paıdalanylǵan

ORAL. KAZINFORM – Batys Qazaqstan oblysynda Shyńǵyrlaý aýdany prokýratýrasy sharýa qojalyqtarynyń 90-nan astam jer telimderin maqsatsyz paıdalanǵanyn anyqtady.

BQO prokýratýrasynyń baspasóz qyzmeti málim etkenindeı, sharýa qojalyǵy 4 jyldan astam ýaqyt boıy aýyl sharýashylyǵy daqyldaryn egýge berilgen jer telimin ıgermegen.

«Zańnamany buzý derekteri jáne olardy joıý boıynsha sharalar qabyldaý maqsatynda prokýratýra aýdan ákimdigine tıisti usyný engizdi. Qadaǵalaý aktisine sáıkes 13,9 mln teńgege baǵalanǵan jalpy aýdany 1 388 ga aýyl sharýashylyǵy maqsatyndaǵy 4 jer telimi memleketke qaıtaryldy. Sol sııaqty Jańaqala aýdany prokýratýrasynyń qadaǵalaý aktisine sáıkes kadastrlyq quny 22 mln teńgeden asatyn jalpy aýdany 8 myń ga 5 jer telimi de maqsaty boıynsha paıdalanylmaǵan. Ol da memleket ıeligine ótkizildi. Qazirgi ýaqytta paıdalanylmaǵan nemese maqsatsyz paıdalanyp jatqan jer telimderin qaıtarý jumysy jalǵasýda», - dep habarlady vedomstvo ókilderi.

Eske sala keteıik, budan buryn BQO-da qaterli isikpen aýyratyn turǵyndardyń quqyǵy buzylǵanyn jazǵan edik.