BQO-da 1,2 tonna balyq alyp kele jatqan júrgizýshi ustaldy

ORAL. QazAqparat – Batys Qazaqstan oblysynda 1,2 tonna balyq alyp kele jatqan júrgizýshi ustaldy, dep habarlaıdy QazAqparat tilshisi.

BQO polıtsııa departamentiniń resmı ókili, polıtsııa polkovnıgi Bolatbek Belgibekovtiń málim etkenindeı, oqıǵa 27 naýryz kúni saǵat shamamen 08.30-da Atyraý-Oral kúre joly boıynda oryn aldy.

Jyldamdyqty shekten tys arttyrǵany úshin 1989 jylǵy A. esimdi júrgizýshi aıdap kele jatqan «Toıota Land Krýzer» avtokóligi toqtatyldy. Ákimshilik hattama toltyrý kezinde avtokólik salonynan tıisti qujaty joq 1,2 tonna qara balyq tabyldy.

Іsti odan ári júrgizý Báıterek aýdany polıtsııa bóliminiń jedel tergeý tobyna tapsyryldy.

Qazirgi kezde QR QK 196-baby 1-bóligine sáıkes qylmystyq is qozǵalyp, tergeý amaldary júrgizilýde.

Eske sala keteıik, budan buryn Oralda polıtsııa qyzmetkerlerine para bermek bolǵan júrgizýshi ustalǵanyn jazǵan bolatynbyz.