BQO ákimi jaıly mektep qurylysyn baqylaýda ustaýda tapsyrdy
ORAL. KAZINFORM – Batys Qazaqstan oblysynyń ákimi Narıman Tóreǵalıev óńirde salynyp jatqan «Jaıly mektep» baǵdarlamasymen salynyp jatqan bilim ordalarynyń qurylysymen tanysty.

Óńir basshysy Oral qalasy Zashaǵan kentindegi (600 oryndyq mektep), Báıterek aýdany Dostyq aýylyndaǵy (1200 oryndyq mektep), Báıterek aýdany Baıqonys aýylyndaǵy (600 oryndyq mektep) mektepterge bardy.

Oblys ákimi merdiger kompanııa basshylaryna mektepterdiń qurylysy jumystaryn sapaly jáne ýaqytyly júrgizýdi tapsyrdy.
– Oblysta salynyp jatqan jaıly mektepterdi aralap júrmin. Óńirimizdegi jaıly mektepter Memleket basshysynyń tapsyrmasymen salynyp jatyr. Sondyqtan bilim ordalarynyń qurylysy barynsha sapaly ári ýaqytyly aıaqtalýy tıis. Buǵan árbir merdiger kompanııalardyń basshylary jaýapty. Sondaı-aq «Samruk-Kazyna Construction» kompanııasynyń óńirlik ókildigine jáne salaǵa jaýapty orynbasaryma barlyq jumysty baqylaýda ustaýdy tapsyrdym, - dedi Narıman Tóreǵalıev.

Aıta keteıik, 2025 jyly Batys Qazaqstan oblysynda «Jaıly mektep» baǵdarlamasy aıasynda 6 mekteptiń qurylysyn aıaqtaý josparlanǵan.
