BQO ákimi áıelder qaýymyn 8 naýryz merkesimen quttyqtady
ORAL.KAZINFORM – Batys Qazaqstan oblysynyń ákimi Narıman Tóreǵalıev ár salada qyzmet etip júrgen áıelderdi 8 naýryz merkesimen quttyqtady. Bul týraly BQO ákiminiń baspasóz qyzmeti málim etti.
Óńirdiń 5 azamatshasy Memleket basshysy Q.K.Toqaevtyń alǵys hatymen marapattaldy. Atap aıtqanda olardyń ishinde, elimizge belgili aqyn, Qazaqstannyń eńbek sińirgen qaıratkeri, Batys Qazaqstan oblysynyń qurmetti azamaty — Aqushtap Baqtygereeva, bilim salasynyń úzdigi — Svetlana Bısembaeva, BQO Terekti aýdanynyń ákimi Álııa Muhambetjanova, «Kondensat» AQ bas dırektory — Nýrııa Mýftıeeva, «Balzııa» JShS dırektory — Balzııa Eveneeva bar.
Budan bólek, 2 azamatsha QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń alǵys hatymen marapattaldy. 32 áıelge óńirdi damytýǵa óz úlesterin qosqany úshin BQO ákiminiń alǵys haty tabystaldy.
BQO ákimi Narıman Tóreǵalıev quttyqtaý sózinde áıelderdiń qoǵam ómirindegi belsendiligin atap ótti.
«Myqty birtutas ult, saıası turaqty memleket qurý jolynda áıelderdiń róli erekshe. Memleket basshysy Qasym-Jomart Kemeluly Toqaev Ana men bala máselesi basty nazarda ekenin aıtty. Azamattyq sektorda 600 astam qoǵamdyq uıymdar, partııalar, etnomádenıortalyqtar jumys atqarsa, quramynda 60%-y áıel azamatshalar. Qazirgi tańda memlekettik kyzmette genderlik quramy jyldan jylǵa ózgerýde. Oblysyzda 3 514 memlekettik qyzmetshiler jumys atqarady, onyń 58 paıyzy qyz balalar men áıel adamdar. Olar úlken jaýapkershilik tanytyp, halyqqa adal eńbek etýde. Ekonomıkamyzdyń negizi bolǵan — shaǵyn jáne orta bızneste qásipker áıelder 53,1 paıyzdy quraıdy» — dedi oblys ákimi.
Sondaı-aq, aımaq basshysy Narıman Tóreǵalıev orta jáne shaǵyn kásipkerlik salasyndaǵy áılder qaýymyn arnaıy baryp quttyqtady.
Oblys ortalyǵynda Halyqaralyq áıelder kúni qarsańynda kóptegen merekelik is-sharalar ótkizildi.
