Bıznestegi bıýdjettik saıasat ózgeretin bolady - Myrzahmetov
Aıta ketsek, búgin ótken sarapshylardyń basqosýynda QR Ulttyq ekononomıka mınıstri Tımýr Súleımenov Qazaqstan Respýblıkasynyń 2025 jylǵa deıingi strategııalyq damý josparyn tanystyrǵan bolatyn. Mınıstrdiń aıtýynsha, atalǵan qujatta 7 reformaǵa basymdyq beriletin bolady. Qujattyń úshinshi reformasynda «Básekege qabilettilik jáne básekege qabiletti bıznes» salasyna erekshe den qoıylǵan.
«Álbette, bızneske qatysty erejelerdi memleket belgileıdi. Atalǵan strategııalyq qujatta jalpy el ekonomıkasyndaǵy shaǵyn jáne orta bıznestiń úlesin 35 paıyzǵa jetkizý kózdelip otyr. Qazirgi ýaqytta biz bul úlestiń ekonomıkada 17 paıyz ekenin eskersek, strategııalyq jospar boıynsha bar-joǵy 7 jyldyń ishinde ShOB úlesin eki ese arttyrý kerek», - deıdi Abylaı Myrzahmetov.
Onyń aıtýynsha, bıznes salasynda memleket óziniń úlesin azaıtýdy josparlap otyr.
«Demek, biz jyl saıyn saraptama jasaı otyryp, bıznes salasyndaǵy memlekettiń quqyǵyn azaıtatyn bolamyz. Memlekettik quqyq neǵurlym kóp jerde bıznes salasyn órkendetý soǵurlym qıynǵa túsedi. Ýaqyt ótken saıyn, álbette, bıýdjettik saıasat ózgeredi. ıAǵnı, tıimsiz sharalar tájirıbeden alynyp tastalyp, básekege qabiletti kásiporyndarǵa qoldaý kórsetiledi. Bálkim, bul básekege qabilettilik sheńberinde keıbir kásiporyndar óziniń ómirsheńdigin dáleldep qalar», - deıdi ol.
Sonymen birge, Abylaı Myrzahmetov Qazaqstanda jeke mektepterdiń úlesi tómen ekenin, damyǵan elderde shamamen jalpy bilim ordalarynyń 30 paıyzy jekemenshik mektep bolyp sanalatyndyǵyn eske saldy.
«Memlekettik-jekeshelik áriptestik osy strategııalyq qujattyń (QR 2025 jylǵa deıingi strategııalyq damý jospary - avt.) basym baǵyttarynyń biri bolǵandyqtan, keńestik júıe boıynsha qalyp qalǵan bilim salasyndaǵy kem-ketikterdiń kózi joıylady. Bizde mektepter eshqandaı kreatıvsiz bir qalypta salynatyny belgili. Sondyqtan munyń (jeke mektepterdiń ashylýy- avt.) bilim júıesine bereri mol degen oıdamyn», - deıdi Abylaı Myrzahmetov.
