Bıznes salyq júıesinde udaıy ózgeristerden kúızeliske túspeýi kerek– Erlan Qoshanov

NUR-SULTAN. QazAqparat – Salyq júıesi turaqty ári túsinikti bolýy kerek. QR Parlament Májilisniń tóraǵasy Erlan Qoshanov «AMANAT» partııasy fraktsııasynyń keńeıtilgen jıynynda osyndaı pikir bildirdi, dep habarlaıdy QazAqparat tilshisi.

«Búgingi talqylaýlardy qorytyndylaı kele mynadaı máselelerge toqtalýdy jón kórdim. Birinshiden, Memleket basshysy aıtqandaı, salyq júıesin turaqty ári túsinikti etý – basty mindet. ıAǵnı, bizde naqty tapsyrma bar. Salyq zańnamasynyń negizgi ólshemderin turaqtandyrý kerek. Bul birnishi kezekte bıznesti qoldaý úshin qajet. Bıznes salyq júıesinde udaıy bolatyn ózgeristerden kúızeliske túspeýi kerek», - dedi Erlan Qoshanov.

Májilis spıkeri salyq júıesiniń turaqtylyǵy degen búgingi ólshemderdi sol kúıindea qaldyrý emes ekenin eskertti.

«Úkimettiń búgin aıtqan qosymsha qun salyǵy men korporatıvtik tabys salyǵyn kóterý týraly usynystaryn turaqtylyqqa arnalǵan usynys deýge kelmeıdi. Turaqtylyq degen mólsherlemelerdiń ólshemi emes, kersinshe ony turaqty ustaý degendi bildiredi. Tym bolmaǵanda ortasha ınvestıtsııalyq merzimge, mysaly 3 jylǵa belgilenýi qajet. Bul ınvestorlarǵa da, kásipkerlerge de túsinikti bolatyn edi», - dedi Májilis tóraǵasy.