Bizdiń ǵalymdardan fermerler artyq biledi - Ómirzaq Shókeev
«Elbasy joldaýyndaǵy tapsyrmaǵa sáıkes, biz bes jyldyń ishinde eńbek ónimdiligi men eksport kólemin 2,5 esege arttyrýymyz kerek. Onyń ishinde eń mańyzdysy - agroónerkásip keshenin tsıfrlandyrýǵa kóshirý. Ol turǵyda biz jańa tehnologııalardy engize otyryp, dálme-dál eginshilikke kóshýimiz qajet» , -dedi QR Premer mınıstriniń orynbasary, QR Aýyl sharýashylyǵy mınıstri Ómirzaq Shókeev.
Aýyl sharýashylyǵy mınıstri AÓK-ti tsıfrlandyrýda jańa tehnologııalardy qoldanýymen qatar, kadrlyq quram týraly da sóz etti.
«Almaty oblysy Qaskeleńdegi agrarlyq bazanyń jumys nátıjesin kórip, bizde ǵylymnyń bar ekenine kózimiz jetti, degenmen ol jerde problema da joq emes. Mysaly, atalǵan ǵylymı bazada naqty jumys isteıtin 50 ǵalym bar, qalǵan 200 adamnyń nemen aınalysatyny túsiniksiz. Sondyqtan, biz qazir ǵylymı ınstıtýttardaǵy shtat máselesin qaıta qaraımyz. ıAǵnı, naqty jumys nátıjesin kórsetken ǵalymdar, onyń ózinde is júzinde olarǵa jaǵdaı jasalady. Al jaı qaǵaz jazýmen aınalysatyn ǵalymdar qysqartylady. Bul - ádil ári durys sheshim», - dedi Ó.Shókeev.
Shókeev, sonymen qatar, JOO-ǵa qatysty reformalar da júrgiziletinin sóz etti.
«Biz JOO-nyń sanyn emes, sapasyn arttyrýymyz kerek. Mysaly, 10 myń stýdent oqıtyn Qazaq ulttyq agrarlyq ýnıversıtetinde 1000 oqytýshy bar, sonyń kóp bóligi básekege qabiletti emes. Sol sebepti akademııalyq standartty kúsheıtemiz. Básekege qabilettti emes JOO oqytýshylary ekstenshn júıesi boıynsha praktıkalyq jumystarmen aınalysady. Al stýdentterge kelsek, olardyń úzdik degen 10%-na halyqaralyq standartqa saı keletin dıplom beremiz», - dedi ol. 
Sol sııaqty ǵylymı-zertteý ınstıtýttarynda da júıelendirý jumystary júrgiziledi.
«Bizde qazir 20 ǵylymı-zertteý ınstıtýty bar, sony júıelendirip, 12-sin ǵana qaldyramyz. Jáne árbir ınstıtýttyń óz bazasynda polıgony bolýy kerek. Sonyń negizinde bazalyq sharýashylyqty damytýymyz qajet. Ǵylymı-zertteý ınstıtýttary jumystaryn qaǵazben emes, is júzinde kórsetýi tıis. Qazir bizde ǵalymdardan góri fermerler artyq biledi. Sondyqtan, aýyl sharýashylyǵymen aınalysatyn ǵalymdar ınstıtýt ishinde otyrmaı, egin alqabynda júrýi kerek. ıAǵnı, 70%-y jańa tehnologııalardy engizýmen, qalǵan 30%-y ınstıtýt ǵalymdarynyń oılap tapqan jańalyqtaryn engizýmen aınalysýy kerek», -dedi Ó.Shókeev.
Aıta keteıik, búgin Aqmola oblysy, Shortandy aýdanyndaǵy A. Baraev atyndaǵy ǵylymı-óndiristik ortalyqta «Dálme-dál eginshiliktegi ınnovatsııalyq tehnologııalar» atty aýyl sharýashylyǵy mamandarynyń konferentsııasy ótip jatyr. Konferentsııa jumysyna QR Premer mınıstriniń orynbasary, QR Aýyl sharýashylyǵy mınıstri Ómirzaq Shókeev pen QR Premer mınıstriniń orynbasary Asqar Jumaǵalıev qatysýda.
