Bıylǵy jyldyń birinshi toqsanynda ınflıatsııa 3,2 paıyz boldy
«2020 jylǵy qańtar-sáýirde Qazaqstan Respýblıkasynda ınflıatsııa 3,2 paıyz boldy. Baǵa azyq-túlik taýarlaryna osy jylǵy 4 aıda – 5,5, azyq-túlik emes taýarlaryna – 1,7, aqyly qyzmetterge 1,5 paıyz joǵarylady», - delingen QR UEM Statıstıka komıteti taratqan aqparatta.
Jyl basynan baǵanyń ósýi kókónisterge – 24,9, qumshekerge – 13,6, jemisterge – 12,5, jarmalarǵa – 8,4, sary maıǵa – 6,1, qoı etine – 5,4, makaron ónimderine, jylqy etine, sıyr etine – 4,9, et ónimderine – 4,8, unǵa – 4,2, muzdatylǵan balyqqa – 4,1, máıekti irimshikke – 3,7, pasterlengen sútke – 3,2, shoshqa etine – 2,9, súzbege, shujyq ónimderine – 2,8, qyshqyl sút ónimderine – 2,7, toqash jáne unnan daıyndalatyn ónimderge – 2,3, shaıǵa – 1,9, nanǵa 1,7 paıyz belgilendi. Temeki ónimderi – 4,7, mıneraldy jáne as sý – 3,4, salqyndatylǵan sýsyndar 2,3 paıyz qymbattady. Baǵanyń tómendeýi kúrishke – 2,5, sókke 1,3 paıyz tirkeldi.
Baǵa ósimi dári-dármekke – 4, jeke qoldanylatyn taýarlarǵa, jýǵysh jáne tazalaǵysh quraldarǵa – 3,8, avtomobılderge – 2,6, turmystyq aspaptarǵa 2,2 paıyzdy qurady. Benzın 4,1 paıyz qymbattasa, dızel otyny 2,2 paıyz arzandady.
Baǵa deńgeıi quqyqtyq, jeke kólik quraldaryn saqtandyrý qyzmetterine – 10, mektepke deıingi balalar mekemesiniń qyzmetterine – 2,2, kabeldik televızııa qyzmetterine – 1,9, densaýlyq qyzmetterine 1,5 paıyz ósti. Internet jelisine qosylý úshin abonenttik tólem 2 paıyz joǵarylady. Taksımen jol júrý aqysy 4,2 paıyz qymbattady.
Turǵyn úı-kommýnaldyq qyzmetter salasynda tarıfter qoqys shyǵarýǵa 6,2 paıyzǵa ósti, al kárizge – 2,7, sýyq sýǵa 1,8 paıyz tómendedi.