Bıylǵy UBT-da erekshe qajettiligi bar test tapsyrýshylarǵa 40 mınýt qosylady
ıAǵnı, oqýǵa túsýshiniń test tapsyrý ornynda negizgi kameradan basqa, jeke tulǵany sáıkestendirýge jáne bógde adamdardyń kirýine jol bermeýge múmkindik beretin, onyń dybysyn jazý jáne qozǵalysyn tirkeý úshin aldyńǵy veb-kamera ornatylǵan. Bul týraly Ulttyq testileý ortalyǵynyń dırektory Rýslan Emelbaev áleýmettik jelidegi paraqshasyna jazdy.
«UBT-nyń bazasyna «Qazaqstan tarıhy» páni boıynsha kontekstik test tapsyrmalary qosyldy. Bul tapsyrmalar tereń bilimdi, aqparatty taldaý sııaqty keń aýqymdy daǵdylar men qabiletterdi baǵalaıdy. UBT tapsyrǵan testilenýshilerge árbir pán boıynsha jeke taqyryptyq taldaý usynylady. Bul taldaý UBT-ǵa túsýshilerdiń daıyndyǵyn arttyrýǵa jáne ózderiniń bilim deńgeıin baǵalaýǵa kómektesedi.
Erekshe bilim berý qajettilikteri bar balalar úshin de jaǵdaılar jasaldy. UBT-2022-de kórý, estý, tirek-qımyl apparatynyń fýnktsııalary buzylǵan erekshe qajettilikteri bar balalarǵa qosymsha testileý ýaqyty (40 mınýt) berildi. Sonymen qatar, olar úshin sýretsiz, syzbalarsyz jáne dıagrammalarsyz test nusqalary jasaldy», - degen jazbasynda ortalyq basshysy.
Onyń sózinshe, 2022 jylǵy túlekterdi qoldaý maqsatynda ári UBT-ǵa daıyndyqtaryn ońtaıly uıymdastyrý úshin byltyrǵydan da kóp bilim berý ortalyqtarynyń qatysýymen tegin onlaın sabaqtar ótkizilýde.
«2022-2023 oqý jylynan bastap IT baǵyt boıynsha oqýǵa túsýshiler UBT-da «Matematıka+Fızıka» ornyna «Matematıka+Informatıka» kombınatsııasyn tapsyrady. 2021-2022 oqý jylynda beıindik pán «Fızıka» bolyp qala beredi, bul rette pılot retinde talapkerlerdiń tańdaýy boıynsha bıyl osy daıyndyq baǵyttaryna (naýryzdaǵy UBT kezinde) túsý úshin «Matematıka +Informatıka» kombınatsııasyn tańdaý optsııasy qosymsha qoljetimdi boldy. Bul kombınatsııany naýryz aıyndaǵy testileý barysynda 800-ge jýyq adam tańdaǵan.
Alǵash ret elimizdiń pedagogteri úshin Ulttyq biliktilik testileýine daıyndalýǵa arnalǵan keńes berýler usynyldy. Olar ortalyqtyń YouTube arnasynda saqtalǵan», - dedi Emelbaev.
Jazbada oqýshylardyń pikirin eskere otyryp, bıyl túlekterge bilim berý grantyn taǵaıyndaý konkýrsyna qatysý úshin ótkiziletin maýsym aıyndaǵy UBT-ǵa 2 ret qatysý múmkindigi berilgeni sóz bolǵan. Negizgi UBT-nyń aldynda psıhologııalyq qoldaý maqsatynda talapkerlerge UTO-nyń áleýmettik jelilerdegi paraqshalarynda psıhologtyń onlaın keńesteri jarııalanady.
«QAZTEST júıesi boıynsha testileýdi elektrondy formatta ótkizý josparlanýda. Syrtqy emtıhandardyń barlyq túrlerin uıymdastyrý jáne ótkizý júıesin jetildirý boıynsha jumys jalǵastyrylatyn bolady. Bizdiń basty maqsatymyz – testileý protsedýrasynyń ashyqtyǵyn, akademııalyq adaldyqty qamtamasyz etý», - dep jazdy ortalyq basshysy.
