Bıylǵy UBT-da ata-analardyń ótinishteri eskerildi

NUR-SULTAN. QazAqparat – Bıylǵy Ulttyq biryńǵaı test tapsyrý kezinde ata-analardyń ótinishteri eskerildi. Bul týraly Ulttyq testileý ortalyǵynyń dırektory Dıdar Smaǵulov málim etti, dep habarlaıdy QazAqparat tilshisi.

«Bilim jáne ǵylym mınıstrligine ata-analardyń atynan tıisti ótinishter kelip túsken bolatyn. Sony zertteý barysynda bizge tapsyrma berilgen edi. Osy oraıda esepteýish quraldarǵa (kalkýlıator) ruqsat berý máselesin qaradyq. Test tapsyrýshylar ózimen birge esepteýish quraldardy ákele almaıdy. Biraq, biz aýdıtorııalarda ár orynǵa kalkýlıatordy ornalastyramyz», - dedi D. Smaǵulov Ortalyq komýnıkatsııalar qyzmetinde.

Sonymen qatar ol testileý ýaqyty uzartylǵanyn jetkizdi.

«Ata-analar men test tapsyrýshylardyń suraýy boıynsha testileý ýaqyty taǵy 10 mınýtqa uzartyldy, UBT ýaqyty 4 saǵat bolady», - dedi Ulttyq testileý ortalyǵynyń dırektory.

Budan buryn habarlanǵandaı, Dıdar Smaǵulov bıylǵy UBT-ny ótkizý tártibi jaıynda túsinik berdi.

Bıyl Ulttyq biryńǵaı testileý 20 maýsym men 5 shilde aralyǵynda ótedi.