Bıylǵy birinshi toqsanda kásiporyndardyń ekonomıkalyq belsendiligi baıaý ósedi

NUR-SULTAN. QazAqparat – 2021 jyldyń 1-toqsanynda kásiporyndardyń ekonomıkalyq belsendiligi álsiz ósedi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Qazaqstanda iskerlik belsendilik ónerkásiptegi iskerlik belsendiliktiń baıaýlaýy jáne qyzmet kórsetý salasyndaǵy iskerlik belsendiliktiń baıaýlaýy esebinen 49 tarmaqtan 48,4 tarmaqqa deıin eki aı qatarynan tómendedi. Qurylys oń kórsetkishke shyqty. Ulttyq Bank 2020 jylǵy 4-shi toqsanda kásiporyndarǵa júrgizgen monıtorıng ınvestıtsııalyq belsendilik pen óndiris kóleminiń tómendeýine baılanysty naqty sektordaǵy ekonomıkalyq belsendiliktiń tómen qarqynynyń saqtalýyn kórsetýde», - dedi ol.

UB tóraǵasynyń aıtýynsha, sonymen birge suranystyń qalpyna kelýi jáne daıyn ónim baǵasy ósýiniń jyldamdaýy, kredıtter boıynsha paıyzdyq mólsherlemelerdiń tómendeýi baıqalady.

«Kompozıttik ozyq ındıkator naqty sektorda ekonomıkalyq belsendiliktiń birtindep qalpyna kelý belgileriniń paıda bolýyn kórsetýde. Bıylǵy jylǵy 1-shi toqsanda kásiporyndar ekonomıkalyq belsendiliktiń álsiz ósýin kútýde», - dedi Erbolat Dosaev.