Bıyl jazda 400-ge jýyq adam «A» korpýsy rezervinen shyǵarylady
ASTANA. QazAqparat - 2015 jyldyń maýsymynda 395 memlekettik qyzmetker «A» basqarýshylyq korpýsy rezervinen shyǵarylady. Bul týraly búgin Astanada memlekettik qyzmetti jetildirý máseleleri boıynsha dóńgelek ústelde QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málim etti.
«Bastapqyda «A» korpýsy basqarýshylyq elıtasyn qalyptastyrýdy eki jylda bir ret júrgizý josparlanǵan edi. Shyn máninde ótken eki jylda irikteý eki márte júrgizildi. Rezervke myńnan astam adam iriktelinip, onyń 568-i qyzmetke ornalasty. Atap aıtqanda, bul qyzmetkerler laýazym ıelerin birden aýystyrý qajettiligine baılanysty taǵaıyndaldy»,-dep atap ótti ol.
Sonymen qatar ol 521 adam suranysqa ıe bolmaı qalǵanyn jetkizdi. Olardyń arasynda 395-i bıylǵy maýsymda bolý merziminiń ótip ketýine baılanysty rezervten shyǵarylmaq.
