Bıyl talapkerler qaı mamandyqtarǵa kóp qujat tapsyrdy

ASTANA. QazAqparat - QR Bilim jáne ǵylym vıtse-mınıstri Ashat Aımaǵambetov jyl saıyn talapkerler kóbinese qaı mamandyqtardy tańdaıtynyn aıtyp berdi, dep habarlaıdy QazAqparat.

Baspasóz máslıhaty barysynda «granttar sany az bolǵanyna qaramastan, qaı mamandyqtarǵa talapkerler qujattaryn kóptep tapsyrdy?» degen saýal qoıyldy.

«Quqyqtaný, qarjy jáne medıtsınaǵa jyl saıyn kóp tapsyrady. Bıyl bul baǵytta aıtarlyqtaı ózgeris bolǵan joq, - dedi Ashat Aımaǵambetov.

«Sonymen qatar, keıbir mamandyqtar jabyldy dep aıtýǵa kelmeıdi, biraq olarǵa memlekettik tapsyrys ótken jyldardaǵydaı az bólindi», - dep naqtylady ol.

Vıtse-mınıstr bıyl óte kóp jańa mamandyqtar ashylǵanyn, osy oraıda vedomstvo jańa lıtsenzııalar bergenin atap ótti.

«Ásirese, shaǵyn jınaqtalǵan mektepter úshin biraz ýnıversıtetter jańa mamandyqtardy aldy. Óıtkeni shaǵyn jınaqtalǵan mektepterde tek qana tarıhshy emes, ıaǵnı tarıh pen geografııa pánin berýge múmkindik bolýy tıis. Sondyqtan osyndaı mamandyqtardy qarastyrdyq. Munymen qosa, memlekettik tapsyrysty da osy mamandyqtarǵa berdik», - dedi A. Aımaǵambetov.