Bıyl sanavıatsııa shetelden 15 qazaqstandyqty eldegi emdeý mekemelerine jetkizdi
Sanıtarııalyq avıatsııa kúshterin tartý tek respýblıka sheginde ǵana júzege asyrylmaıdy, sonymen qatar shetelde aýyr jaǵdaıda jatqan Qazaqstan azamattaryn nemese oralmandardy halyqaralyq tasymaldaýdy uıymdastyrý da júzege asyrylady.
2019 jyldyń 7 aıynda Qazaqstannyń sanıtarııalyq avıatsııasy sheteldik klınıkalardan otandyq medıtsınalyq uıymdarda emdelýdi jalǵastyrý úshin 15 qazaqstandyqty tasymaldady.
2011 jyldan bastap qazirgi ýaqytqa deıin QR sanıtarııalyq avıatsııasy taıaý jáne alys shetelderden (Taıland, Túrkııa, Shveıtsarııa, AQSh, Ońtústik Koreıa, Egıpet, Qyrǵyzstan, Qytaı Halyq Respýblıkasy, Reseı Federatsııasy jáne t.b.) 74 qazaqstandyqty tasymaldady.
Sanıtarlyq avıatsııa QR Ulttyq shuǵyl medıtsınany úılestirý ortalyǵyna (UShMÚO) jatady. Jyldyń basynan beri UShMÚO 1 513 ushýdy júzege asyrdy. Sondaı-aq, ortalyq qurylǵannan beri 15 498 ushýdy oryndaǵan.
«Shalǵaı aýdandarynda turatyn halyqqa ýaqytyly jáne sapaly medıtsınalyq kómekti qamtamasyz etý maqsatynda, patsıenttiń ornalasqan jeri boıynsha medıtsınalyq uıymda medıtsınalyq jabdyqtyń nemese tıisti biliktiligi bar mamandardyń bolmaýy saldarynan mundaı kómek kórsetý múmkin bolmaǵan jaǵdaıda UShMÚO sanıtarııalyq avıatsııa nysanyndaǵy kúshteri tartylady. Shuǵyl medıtsınalyq kómek kórsetý qajettiligi týyndaǵan jaǵdaılarda sanıtarııalyq avıatsııa oǵan muqtaj árbir adamǵa onyń ornalasqan jerine jáne marshrýtynyń qıyndyǵyna qaramastan, áýe kóligin paıdalana otyryp, barynsha jyldam jáne sapaly medıtsınalyq kómek kórsetýge arnalǵan», delingen habarlamada.
Bıylǵy 7 aıynyń qorytyndysy boıynsha ortalyq mamandary 1 855 patsıentke medıtsınalyq kómek kórsetti, 2 094 medıtsınalyq qyzmet oryndaldy, onyń ishinde: 1 377 patsıentterdi tasymaldaý (65,8%), 290 konsýltatsııa berý (13,8%) jáne 132 operatsııa (6,3%) jáne 295 telemedıtsına rqyly konsýltatsııa berý (14,1%).
2019 jyldyń basynan beri sanavıatsııa 6 ret donorlyq organdardy áýe arqyly jetkizgen.
Sanıtarııalyq avıatsııa jaraqat, jazataıym oqıǵa men ýlaný (22,9%), balalardyń patologııasy (22%), qan aınalymy júıesiniń aýrýy (20,4%), jańa týǵan náresteniń patologııasy (14,1%), akýsherlik-gınekologııalyq patologııa (12,5%) jáne basqa aýrýlar (8,1%) boıynsha shuǵyl medıtsınalyq kómek kórsetedi.