Bıyl Qyzylorda oblysynda 40 aýyldyń ákimi saılanady
Usynylǵan kandıdattardyń orta jasy - shamamen 40 jas. Eń jas kandıdat - 28 jasta bolsa, eń úlkeni - 58 jasta.
Úmitkerler arasynda muǵalimder - 14, zańger - 10, ekonomıqa-qarjy mamany - 7 , ınjener-tehnolog - 3, ІT-tehnologııa mamany - 2 adam bolsa, veterınar , jergilikti ózin-ózi basqarý, jýrnalıst, saıasattanýshy, statıst bir-birden quraıdy.
2 shildedegi jaǵdaı boıynsha 41 kandıdat ózin-ózi usyný tártibimen úmitker retinde tirkeldi. Onyń ishinde Aralda - 17, Qazalyda - 3. Qarmaqshyda - 3, Jalaǵashta - 4, Syrdarııada - 5, Shıelide - 5, Jańaqorǵanda - 4 kandıdat usynylǵan.
Saılaý karantın talaptaryn saqtaı otyryp ótkiziledi. Qazirgi tańda ózin-ózi usynǵan 41 kandıdattyń 19-y memlekettik qyzmet zańnamasymen qoıylǵan biliktilik talaptarǵa sáıkestigi anyqtaldy.
«Kandıdattardyń 2-i áıel bolsa, qalǵan 39-y er adam. Eń jas kandıdat 28 jasta. Saıası partııalardan kandıdattar ázirge usynylǵan joq», - dedi oblystyq saılaý komıssııasynyń tóraǵasy Ǵalym Baımyrzaev.