Bıyl kolledjderge 128 myńnan astam talapker memlekettik tapsyryspen qabyldanady
«Bıyl kolledjderge memlekettik tapsyrys ornalastyrý talaby kúsheıtildi. Búginde 770 kolledjdiń 647-si memlekettik tapsyrys ornalastyrýǵa múmkindik aldy. Kolledjderge bıyl 213 mamandyq boıynsha 128 myńnan astam talapker memlekettik tapsyryspen qabyldanady dep kútiledi. Jalpy, memlekettik tapsyrys kólemi 50 myń orynǵa ulǵaıtyldy. Onyń 45 myńy respýblıkalyq bıýdjet esebinen óteledi. Sonyń ishinde 20 myńy kásiporyndardyń usynysy boıynsha maqsatty memlekettik tapsyrysqa beriledi. Memleket basshysynyń tapsyrmasyna sáıkes, bıyl tehnıkalyq mamandyqtarǵa grant kólemi 27 myń orynǵa ulǵaıtylyp, 70 myń oryndy quraıdy», - dedi departament dırektory mınıstrliktiń apparat jınalysynda.
Onyń atap ótýinshe, oqýǵa qujattardy qabyldaý maýsymnyń 25-inen bastaldy. Jalpy, bıyl 160 myńnan astam talapker kolledjderge qujat tapsyrady degen boljam bar.
«Talapker 4 mamandyq, 4 kolledj tańdaýǵa múmkindigi bar. Mamandyqtardy tańdaý úshin kásibı dıagnostıkadan ótýge múmkinshilik qarastyrylǵan. Oqýǵa túsý emtıhandary alynyp tastaldy. Jalpy, oqýǵa túsý ortasha konkýrstyq ballmen ótkiziledi», - dedi Nasymjan Ospanova.