Bıyl qansha sheteldik Qazaqstanda emdeldi

ASTANA. QazAqparat – 2023 jyldyń birinshi toqsanynda elimizdiń medıtsınalyq uıymdarynda 565 sheteldik emdeldi. Bul jaıynda Densaýlyq saqtaý mınıstrliginen málim etti, dep habarlaıdy QazAqparat tilshisi.

«Densaýlyq saqtaý aqparattyq júıelerine sáıkes, 2022 jyly elimizdiń medıtsınalyq uıymdarynda 3 970 patsıent (sheteldik) em aldy. Olardyń 93 paıyzy (3 298 adam) – shuǵyl jáne 17 paıyzy (672 adam) josparly túrde emdeldi», - dep atap ótedi mınıstrlikten agenttiktiń resmı saýalyna oraı.

Vedomstvo deregine qaraǵanda, 2021 jyly elimizdiń medıtsınalyq uıymdarynan 4 847 sheteldik, onyń ishinde 4 320 adam – shuǵyl, al 527 adam josparly túrde em alyp shyqqan.

«2023 jyldyń birinshi toqsanynda elimizdiń medıtsınalyq uıymdarynan 565 sheteldik, onyń ishinde 463 adam – shuǵyl, al 102 adam josparly túrde emdeldi», - dedi mınıstrlikten.