Bıyl 11 myńnan astam jumyskerdiń quqyǵy buzylǵan

NUR-SULTAN. QazAqparat - Jyl basynan beri memlekettik eńbek ınspektorlary 11,9 myńnan astam jumyskerdiń quqyǵyn qorǵady, dep habarlaıdy QazAqparat Eńbek mınıstrligine silteme jasap.

Osy jylǵy 1 tamyzdaǵy jaǵdaı boıynsha Memlekettik eńbek ınspektorlary respýblıkanyń 568 kásipornynda 14,2 myń jumyskerdiń aldynda 3 mlrd 223,9 mln teńgeden astam somaǵa jalaqy boıynsha bereshekti anyqtady.

Kásiporyndardyń basshylaryna mindetti 505 nusqama berilip, 85,5 mln teńgeden astam somaǵa aıyppul salyndy.

Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 11,9 myńnan astam jumyskerdiń quqyǵy qorǵaldy. Olarǵa 2 mlrd 850 mln teńge tólendi.