Biryńǵaı jıyntyq tólemdi SMS arqyly tóleýge bolady
«KCell men Beeline uıaly operatorlarynyń paıdalanýshylary BJT-ny SMS arqyly tóleı alady. Tólem jasaý úshin 5505 nómirine «gorodesp JSN» (respýblıkalyq mańyzy bar qalalardyń, astananyń jáne oblystyq mańyzy bar qalalardyń turǵyndary úshin) jáne «seloesp JSN» (basqa eldi mekenderdiń turǵyndary úshin) mátini bar SMS joldaý qajet», delingen habarlamada.
Tólem sol aımen ǵana túsedi. Onyń komıssııasy 100 teńge. Astana, Almaty, Shymkent, sondaı-aq oblys ortalyqtary úshin tólem mólsheri 1 AEK ıaǵnı 2 525 teńge. Barlyq basqa eldi mekenderdiń turǵyndary úshin BJT mólsheri 0,5 AEK nemese 1 263,5 teńgeni quraıdy.
Biryńǵaı jıyntyq tólem tabys alý maqsatynda qyzmetin júzege asyratyn jeke tulǵalarǵa arnalǵan. Olar mynadaı sharttardy saqtaýy tıis. Mysaly jaldamaly qyzmetkerlerdiń eńbegin paıdalanbaýy, jeke tulǵalar úshin qyzmet kórsetýi tıis.
Bul rette kúntizbelik jyldaǵy shekti tabys jylyna 1 175 AEK (2019 jyly - 2 mıllıon 966 myń 875 teńge) aspaýy tıis.
BJT mynadaı azamattarǵa qoldanylmaıdy: Saýda-oıyn-saýyq ortalyqtarynyń aýmaǵynda qyzmetter kórsetetin; jeke praktıkamen aınalysatyn; turǵyn úıdi qospaǵanda, úı-jaılardy jalǵa beretin; oralmandardy qospaǵanda, sheteldikter jáne azamattyǵy joq adamdar bolyp tabylatyn; jeke kásipker (JK) retinde tirkelgen.
«Biryńǵaı jıyntyq tólemdi tóleý sondaı-aq bankter jáne bank operatsııalarynyń jekelegen túrlerin júzege asyratyn uıymdar arqyly qolma-qol nemese qolma-qol aqshasyz esep aıyrysý arqyly «Azamattarǵa arnalǵan úkimet» memlekettik korporatsııasynyń banktik shotyna aýdarýǵa bolady», delingen habarlamada.