Biryńǵaı jınaqtaýshy zeınetaqy qory halyqpen tet-a-tet kezdesti
Almaly aýdanyndaǵy BJZQ-nyń operatsııalyq zalynda qala turǵyndary úshin uıymdastyrylǵan sharada zeınetaqy júıesiniń úsh qurylymy týraly aıtyldy.
«BJZQ» AQ Almaty fılıalynyń dırektory Álııa Smaǵulova búgingi sharanyń basty maqsaty halyqtyń zeınetaqy júıesine degen senimin nyǵaıtý.
«Bizdiń operatsııalyq zalda salymshylardyń eń kóbi ótinishterimen keledi. Mysaly, kúnine shamamen 500 salymshy bizdiń operatsııalyq zalda bolady. Bul kelýshiler sany áli de tómendegen joq», - dedi ol.
Ashyq esik kúnine kelýshiler zeınetaqy aktıvteri biriktirilgennen keıin buǵan deıingi jeke zeınetaqy qorlary alyp kelgen komıssııalyq syıaqy deńgeıi eki esege tómendegenin bildi.
Sonymen qatar, ákimshilik shyǵyndar da azaıtylǵan.
Aıta keteıik, BJZQ-nyń «Býzgýl Aýrým» JShS aktsııalaryn satyp alý jónindegi kelisiminen keıin halyqtyń zeınetaqy júıesine degen senimi azaıa tústi. Ol kelisim boıynsha 5 mlrd teńgege qundy qaǵazdar satyp alynǵan.
BJZQ-nyń burynǵy basshysy Rýslan Erdenaev jáne Táýekelder basqarmasy qarjy táýekelderi departamentiniń basshysy Musa Bahtaev, «AlataýMunaıAltyn» AQ baqylaý keńesiniń tóraǵasy Baqytjan Kenjebaev pen «Býzgýl Aýrým» JShS dırektory A. Naızagarın jeke múlikke qatysty asa aýyr qylmys jasady dep aıyptalyp otyr.
Olarǵa qatysty QR QK 189-babynyń 4-bóligi, 2-tarmaǵy (senip tapsyrylǵan bótenniń múlkin ıemdený jáne talan-tarajǵa salý) boıynsha qylmystyq is qozǵalǵan.
Buǵan deıin habarlanǵandaı, R.Erdenaev jáne ózge de fıgýranttardy qamaýda ustaý merzimi 2017 jyldyń 28 sáýirine deıinuzartyldy.