Biryńǵaı jınaqtaýshy zeınataqy qory salymshylardyń mindetin eske saldy
«Qoldanystaǵy zeınetaqylyq zańnamaǵa sáıkes, salymshylar (alýshylar) belgilengen tártip boıynsha qorǵa aqparat berýge qatysty mindettemelerdi oryndap, ózgerister týraly BJZQ-ǵa habarlaýǵa mindetti», delingen habarlamada.
Qordyń habarlaýynsha, tómende kórsetilgen ózgerister týraly salymshy aqparat berýge mindetti: - eger aqparat alýdyń «elektrondyq poshta boıynsha (e-mail)» ádisin tańdaǵan bolsa, elektrondyq adrestiń ózgerýi týraly; - eger zeınetaqy jınaqtary týraly aqparat alýdyń «poshta boıynsha» ádisi tańdalǵan bolsa, zeınetaqymen qamsyzdandyrý týraly shartta kórsetilgen poshtalyq meken jaıdyń ózgerýi týraly aqparat berý qajet.
Eger salymshy (alýshy) BJZQ-ǵa óziniń qonys aýdarǵandyǵy týraly habarlamaǵan bolsa, oǵan poshta arqyly joldanǵan úzindi kóshirme qorǵa qaıtyp oralady. Mundaı jaǵdaıda, zeınetaqy zańnamasyna sáıkes, BJZQ kelesi jyly úzindi kóshirme joldamaýǵa quqyly.
Meken jaıdyń ózgergendigi týraly salymshy (alýshy) BJZQ keńsesine ózi kelip, poshta baılanysy nemese elektrondyq poshta arqyly tegin, atyn, ákesiniń atyn, týǵan kúnin, jeke sáıkestendirý nómirin (JSN) kórsetip, jeke basyn kýálandyratyn qujattyń kóshirmesin mindetti túrde qosa usyna otyryp habarlaýy kerek. Elektrondy adresiniń ózgergendigi týraly aqparatty salymshy (alýshy) BJZQ-ǵa ózi kelgende ǵana habarlaı alady.