Biryńǵaı ekonomıkalyq keńistiktiń barlyq bazalyq qujattaryna qol qoıyldy - Ó.Shókeev
Bul týraly búgin QR Premer-Mınıstriniń birinshi orynbasary Ómirzaq Shókeev «Jańa onjyldyq:bolashaqtar men talaptar» atty taqyryptaǵy ІV Astanalyq Ekonomıkalyq forýmy barysynda aıtty.
Onyń paıymdaýynsha, kásipkerlikti, ınnovatsııalyq júıeni qoldaý, memlekettik, kvazı-memlekettik sektordy jańǵyrtý, azyq-túlik qaýipsizdigin qamtamasyz etý, básekege qabilettilikti arttyrý, ekologııa taqyryby syndy máselelerdiń barlyǵy sońǵy nátıjede árbir memlekettiń ekonomıkalyq damýyna, halyqtyń basym bóliginiń ál-aýqatyna áser etedi. Qazirgi jahandyq álemdegi dúnıejúzilik naryqta qalyptasyp otyrǵan qaterlerge jalǵyz qarsy turý múmkin emes. Osyǵan oraı kóptegen elder syrtqy naryqtaǵy ustanymdaryn nyǵaıtý úshin kúsh-jigerlerin biriktirip, túrli ıntegratsııalyq qurylymdar qalyptastyrýda.
Qazaqstan da bundaı úderisten tysqary qalmaıtyndyǵyn basa aıtqan ol: «Ózderińiz biletindeı, biz ıntegratsııalyq úrdisterdiń belsendi úılestirýshisi bolyp otyrmyz. Qazaqstan Prezıdent N.Nazarbaev Eýrazııalyq yqpaldastyq ıdeıasynyń jigerlendirýshisi bolyp tabylady. Sonyń arqasynda 2010 jyldyń 1 qańtarynan bastap EýraAzEQ aıasynda Keden odaǵy quryldy», - dedi.
Sonymen qatar ótken jyldyń shildesinen bastap osy odaq elderiniń arasynda kedendik rásimdeý alynyp tastalǵandyǵyn aıta kele: «Biryńǵaı ekonomıkalyq keńistiktiń barlyq bazalyq qujattaryna qol qoıyldy. Qazir olar úsh eldiń parlamentterinde ratıfıkatsııalaýdan ótýde. Bul taýarlardń biryńǵaı naryǵyn qalyptastyrady. Onyń aıasynda tarıtik jáne tarıftik emes kedergiler joıylyp, kásipkerler briyńǵaı keńistik aıasynda óz taýarlaryn erkin tasymaldaýǵa qol jetkizedi», - dedi Ó.Shókeev.
