Birtanov Mańǵystaýda MÁMS júıesiniń artyqshylyqtaryn túsindirdi
Mınıstr 125 myń turǵyny bar Munaıly aýdanyndaǵy emhanaǵa bardy, munda 100 myń turǵyn ambýlatorlyq-emhanalyq qyzmetter alyp keledi. Sońǵy bes jylda atalǵan aýdanda týý kórsetkishi joǵarǵy deńgeıde. Máselen. Ótken jyly 4978 náreste dúnıege kelgen. Tolyqqandy pedıatrııalyq kómek kórsetý men kishkene turǵyndardy qamtý maqsatynda ýchaskelerde konsýltanttar qyzmeti uıymdastyrylǵan. Sondaı-aq, emhanada alǵash ret náresteleri bar analarǵa balany durys tamaqtandyrý, balalar aýrýlarynyń aldyn alý, shynyqtyrýǵa úıretetin resýrstyq ortalyq ashylǵan.
«Aýdannyń barlyq turǵyndary barlyq sanat boıynsha medıtsınalyq saqtandyrý júıesine kirýi mańyzdy. Halyqqa saqtandyrylǵan azamat statýsyn qalaı alý kerektigi jóninde durys túsindirip, árbir otbasyna atalǵan aqparattyń jetýin qamtamasyz etý kerek», - dedi Mınıstrlik basshysy aıdandyq emhana qyzmetkerlerimen bolǵan kezdesýde.
Ári qaraı sapar barysynda mınıstr oblys ákimi Alık Aıdarbaevtyń halyq aldyndaǵy esebine qatysyp, «SofıMed» iri kommertsııalyq emhanasynda jeke medıtsınalyq uıymdardyń basshylarymen saladaǵy jurgizilip otyrǵan reformalardyń negizgi baǵyttary týraly pikir almasty. Sodan soń Mańǵystaý kópsalaly oblystyq aýrýhanasynda medıtsınalyq aktıvpen kezdesti,
Jeke medıtsınalyq bıznes ókilderine mınıstr medıtsınalyq saqtandyrý júıesinde menshik túrine qaramastan, barlyq medıtsınalyq uıymdarǵa ekonomıkalyq tıimdi ári teń jaǵdaı jasalatynyn basa aıtty.
Ol mınıstrlikte qazirgi tańda bıznestegi kedergilerdi joıý boıynsha belsendi jumys atqarylyp jatqanyn, sondaı-aq, jeke sektordyń usynymdary qabyldanyp, mınıstrliktiń tikeleı dıalog qurýǵa múddeli ekenin atap aıtty.
«Biz medıtsınalyq qyzmet kórsetetin jeke qyzmet kórsetýshilerdiń úlesi sany jaǵynan da, qarjy jaǵynan da artýyn kútip otyrmyz. Biz tarıf saıasatyn qarastyrýǵa daıynbyz. Ol sizderdiń ınvestıtsııalaryńyzdy eskere otyryp, naryq turǵysynan negizdelgen bolýy tıis. Sonymen birge, biz aqparattyq júıeler arqyly tıimdilikti baqylaıtyn bolamyz. Medıtsınalyq saqtandyrý júıesindegi básekelestiktiń artýyn eskere otyryp, baǵanyń ózdiginen retteletinin umytpaý kerek. Aýrýhana ekonomıkasy men qyzmet sapasyn baqylap otyrý úshin ortasha balans bolýy qajet», - dedi Eljan Birtanov.
Ol jyl sońynda Medıtsınalyq saqtandyrý qorymen jasalǵan kelisisharttar arqyly halyqqa qyzmet kórsetýdegi jeke emhanalardyń úlesi anyqtalyp, qazirgi tańdaǵy kedergiler joıylatyndyǵyn aıtty.
Óz kezeginde jeke aýrýhana men zerthana basshylary mınıstrliktiń barsha bastamalaryna qoldaý bildirip, medıtsınalyq tehnıka men lızıng alý, tarıfterdi engizý men birqatar shekteýlerdiń jol bermeý týraly máselelerdi talqylaýǵa daıyn ekendikterin málimdedi.
Oblys medıtsınalyq aktıvterimen kezdesý barysynda vedomstvo basshysy medıtsınalyq saqtandyrýdy engizý boıynsha barlyq suraqtarǵa jaýap berip, MÁMS júıesindegi negizgi artyqshylyqtarǵa toqtaldy.
«Aǵymdaǵy jyldyń 1 shildesinen bastap memleket, jumys berýshi men azamattardyń ortaq jaýapkershiligine negizdelgen mindetti áleýmettik medıtsınalyq saqtandyrý engiziletin bolady. Bul júıesniń tıimdiligin halyqaralyq tájirıbe dáleldegen. Medıtsınalyq saqtandyrý júıesiniń qatysýshylaryna medıtsınalyq qyzmetterdiń aýqymdy kólemi usynylady. Halyqtyń áleýmettik turǵydaq qorǵalmaǵan sanatyn memleket qoldaıtyn bolady. Úkimet densaýlyq saqtaý salasyn tıisti aqparattandyrý júıesimen qamtamasyz etýi shart. Básekelestikti arttyrý maqsatynda medıtsınalyq saqtandyrý júıesinde jeke medıtsınalyq uıymdarǵa teńdeı múmkindik berilýi tıis. Úkimet pen ákimdikterge aýqymdy aqparattyq-túsindirme jumystaryn qamtamasyz etýdi tapsyramyn», - dedi Memleket basshysy óziniń 2017 jylǵy 31 qańtardaǵy «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda.
Aqpan aıynda mindetti áleýmettik medıtsınalyq saqtandyrýdy engizýdi medıtsınalyq qaýymdastyq arasynda, jumys berýshiler men turǵyndarǵa keń kólemdi aqparattyq-túsindirý jumystarynyń (ATJ) úshinshi kezeńi bastaldy. ATJ ótkizý maqsatynda árbir oblys pen Astana jáne Almaty qalalarynda búgingi tańda ákimder men olardyń orynbasarlary bastaǵan aımaqtyq shtabtary jumys isteıdi. Túsindirý jumystaryn júrgizý úshin Respýblıkalyq shtab quramyna bedeldi dárigerler, qoǵamdyq qaıratkerler, medıtsınalyq JOO oqytýshylary, qurylymdyq bólimsheler jetekshileri shaqyryldy. ATJ-nyń aldyńǵy eki kezeńiniń nátıjesi boıynsha 2016 jyldyń 6 aıynda 180 myńnan astam adam qamtyldy.
Qazirgi tańda Densaýlyq saqtaý mınıstrligi jarna tóleýshilerdiń barlyq sanaty boıynsha tólem mólsherlemesin tómendetý, jarnasy memleket esebinen tólenetin azamattar sanatyn keńeıtý boıynsha, sonymen qatar, medıtsınalyq saqtandyrý júıesiniń jumys isteý tetikteri kórsetilgen zań jobasyn daıyndady.