Birtanov kommertsııalyq aýrýhanalar men emhanalardyń aldyndaǵy kedergilerdi joıýdy qolǵa aldy
Elbasy Nursultan Nazarbaevtyń 2017 jylǵy 31 qańtaryndaǵy Joldaýynda bıznestiń aldynda turǵan kedergilerdi joıý týraly tapsyrma bergen bolatyn. Memleket basshysy báskelestikti arttyrý úshin mindetti áleýmettik medıtsınalyq saqtandyrý aıasynda jeke medıtsınalyq mekemelerge memlekettik uıymdarmen bir deńgeıde múmkindik jasaý kerektigin atap ótken bolatyn.
«Qazaqstandaǵy 901 aýrýhananyń 161-i, 3149 ambýlatorlyq-emhanalyq mekemeniń 941-i jeke menshikte. Medıtsınalyq qyzmetke aqy tóleý komıtetiniń málimeti boıynsha, 2016 jyly 288 kommertsııalyq medıtsınalyq uıym kepildendirilgen tegin medıtsınalyq qyzmet aýqymy aıasynda jumys istegen. Bul memlekettik tapsyrystyń 28 paıyzy. Mindetti áleýmettik medıtsınalyq saqtandyrý aıasynda jeke sektorǵa halyqqa memlekettik tapsyrys aıasynda da, saqtandyrý aıasynda da medıtsınalyq qyzmet kórsetýge múmkindik berý qarastyrylǵan. Óz kezeginde azamattarǵa medıtsınalyq mekemeni tańdaý quqyǵy beriledi. Bul medıtsınalyq qyzmetter naryǵyndaǵy básekeni kúsheıtip, onyń sapasyn kóterýi tıis», - delinedi mınıstrliktiń taratqan habarlamasynda.
Densaýlyq saqtaý mınıstrligi men Qazaqstandyq jeke medıtsınalyq qurylymdar qaýymdastyǵy birlesip júrgizgen saraptama barysynda, densaýlyq saqtaý salasynda kásipkerlikti damytýǵa qolbaılaý bolyp otyrǵan eń mańyzdy kedergiler anyqtaldy. Mysaly, medıtsınalyq mekemelerdiń ǵımarattaryndaǵy bólmelerdiń aýqymyna qoıylatyn talaptar tym joǵary. Bul álemdik tájirıbege saı emes, ári shyǵyndardyń negizsiz ósýine yqpal etedi. Bir-birine qaıshy keletin quqyqtyq normatıvtik aktiler de az emes. Jınalǵan usynystar densaýlyq saqtaý salasyndaǵy ákimshilik kedergilerdi joıýǵa arnalǵan sharalardy jasaqtaý barysynda eskeriledi. Bul úshin Densaýlyq saqtaýdy damytý respýblkalyq ortalyǵynyń janynan zańgerler men densaýlyq saqtaý uıymdastyrýshylarynan turatyn qurylym jasaqtaldy. Ol Úkimetten, medıtsınalyq qaýymdastyqtan, bıznes ókilderinen túsken usynystardy júzege asyrýmen aınalysady.
«Medıtsınalyq mekemelerdiń jumysyn retteıtin quqyqtyq-normatıvtik aktilerge túbegeıli saraptama jasalyp, qaıta qaralýy tıis memlekettik fýnktsııalar anyqtalady. Kadrlardyń sanyn retteý, medıtsınalyq qyzmet pen dári-dármekke qoljetimdilik, tsıfrlyq medıtsına, medıtsınalyq qyzmettiń kórsetilý tártibi, sapasy men qaýipsizdigi, memlekettik-jeke áriptestikti damytý, sanıtarlyq-epıdemıologııalyq qyzmet salalaryndaǵy ákimshilik-quqyqtyq kedergilerdi múmkindiginshe azaıtý josparlanyp otyr», - dep atap ótti Densaýlyq saqtaýdy damytý respýblıkalyq ortalyǵy bas dırektorynyń mindetin atqarýshy Aınur Aıyphanova.
Qazaqstandyq jeke medıtsınalyq qurylymdar qaýymdastyǵynyń tóraǵasy Gúlnár Ótepovanyń aıtýynsha, sanıtarlyq-epıdemıologııalyq salanyń jumysyn retteıtin quqyqtyq -normatıvtik aktilerdi, sanıtarlyq jáne qurylystyq erejeler men normalardy qaıta qaraý kerek. Onyń pikirinshe, quqyqtyq bazadaǵy qaıshylyqtar men memlekettik organdar jumysynyń úılesimsizdigi jeke sektordyń damýyna kedergi jasap otyr.
Otyrysqa densaýlyq saqtaý mınıstrligi komıtetteri men departamentteriniń basshylary, Ulttyq ekonomıka mınıstrliginiń, Kásipkerlerdiń «Atameken» ulttyq palatasynyń, medıtsına jáne farmatsevtıka salasyndaǵy iri bıznes-qaýymdastyqtar, Álemdik banktiń jobalarǵa qoldaý jasaý tobynyń, halyqaralyq konsaltıngtik, úkimettik emes uıymdardyń ókilderi qatysty.