Birneshe qala turǵynyn aldaǵan ınternet-alaıaq ustaldy - SQO
SQO polıtsııa departamenti baspasóz qyzmetiniń málimetinshe, Aıyrtaý aýdanynyń 1988 jylǵy turǵyny WhatsApp messendjerin paıdalanyp, alaıaqtyqpen aınalysty degen kúdikke ilindi. Ol adamdarǵa «aqshany aınalymǵa jiberip jyldam baıýdy» usynǵan. Kez-kelgen salymmen az ýaqytta 30 % paıdaǵa kenelýge bolady-mys. Aqtóbe, Taraz, Qyzylorda jáne Qazaqstannyń basqa da qalalarynyń turǵyndary qylmyskerge orta esepppen 100 myńnan 300 myń teńgege deıin aqsha jibergen.
Polıtseıler áıeldiń Kókshetaýda turatynyn anyqtady. Ol bir kezderi telefony men bank kartochkasyn joǵaltyp alǵanyn, ony bireýlerdiń paıdalanýy múmkin dep túsindirgen. Polıtseıler buǵan senimsizdik bildirdi.
«Tergeý bólinisiniń qyzmetkeri Asylhan Tólegenovtiń kásibıligin atap ótken jón. Ol barlyq mán-jaıdy muqııat tekserip, kúdiktiniń jábirlenýshilermen júrgizgen jazbalaryn taýyp, oǵan aqsha aýdarylǵanyn anyqtady. Osylaısha, kúdiktiniń toǵyz epızodqa qatysy bary belgili boldy», - deıdi aýdandyq polıtsııa bóliminiń bastyǵy Marat Serkeshev.
Jınalǵan materıal Kókshetaý qalasyna jiberildi. QR Qylmystyq kodeksiniń «Alaıaqtyq» baby boıynsha sotqa deıingi tergep-tekserý jalǵasady.
«Aqshany aınalymǵa jiberip jyldam baıý» degen jalǵan ýáde. Ol alaıaqtyqtyń keń taraǵan túrleriniń biri. Internette baılanys jasaǵan kezde abaı bolyńyz, taýar men qyzmet úshin aldyn ala tólem aýdarmańyz, mobıldi qurylǵylaryńyz ben bank kartalarynyń kodtaryn men qupııa sózdi eshkimge aıtpańyz», - deıdi Marat Serkeshev.
