Birqatar mınıstrlikke qosymsha quzyret berilmek

ASTANA. QazAqparat – 6 mınıstrlikke qosymsha quzyret berilýi múmkin. Bul týraly «Ashyq» NQA portalynda jarııalanǵan «QR Úkimetiniń keıbir sheshimderine ózgeris pen tolyqtyrýlar engizý týraly» Úkimet qaýlysynda jazylǵan, dep habarlaıdy QazAqparat tilshisi.

Qujatqa sáıkes, endi vedomstvolarǵa mynadaı qosymsha quzyret berilmek:

Qarjy mınıstrligine:

- áleýmettik qamsyzdandyrý salasyndaǵy ýákiletti organ aıqyndaıtyn biryńǵaı tólemdi tóleý, aýdarý jáne bólý, sondaı-aq qaıtarý tártibin kelisý.

Mádenıet jáne sport mınıstrligine:

- jastardy mádenı aǵartýdy jáne olardyń bos ýaqytyn uıymdastyrýǵa baǵyttalǵan sharalar keshenin júzege asyrý;

- mádenıet máseleleri jónindegi jastar bastamalaryn qoldaýǵa baǵyttalǵan memlekettik áleýmettik tapsyrysty qalyptastyrýdy, onyń iske asyrylý monıtorıngin jáne nátıjelerin baǵalaýdy júzege asyrý.

Densaýlyq saqtaý mınıstrligine:

- áleýmettik qamsyzdandyrý salasyndaǵy ýákiletti organ aıqyndaıtyn biryńǵaı tólemdi tóleý, aýdarý jáne bólý, sondaı-aq qaıtarý tártibin kelisý.

Eńbek jáne halyqty áleýmettik qorǵaý mınıstrligine:

- sheteldikterdiń Qazaqstan Respýblıkasynda turaqty turýǵa ruqsat alýy úshin suranysqa ıe kásipterdiń tizbesin jáne ony qalyptastyrý tártibin bekitý;

- jastardy jumyspen qamtý máseleleri jónindegi memlekettik áleýmettik tapsyrysty qalyptastyrýdy, onyń iske asyrylý monıtorıngin jáne nátıjelerin baǵalaýdy júzege asyrý;

- ýaqytsha bos júrgen jastardy jumysqa ornalastyrýǵa járdemdesý.

Aqparat jáne qoǵamdyq damý mınıstrligine:

- jastarmen jumys jónindegi mamandardyń úlgilik biliktilik sıpattamalaryn ázirleý jáne eńbek jónindegi ýákiletti memlekettik organmen kelisý boıynsha bekitý;

- jastar eńbek jasaqtaryn qurý, uıymdastyrý, qamtamasyz etý, sondaı-aq olardyń qyzmetine monıtorıng júrgizý qaǵıdalaryn ázirleý jáne eńbek jónindegi ýákiletti memlekettik organmen kelisý boıynsha bekitý;

- jastardyń damý ındeksin engizý men qoldaný qaǵıdalaryn ázirleý jáne bekitý;

- jastar arasynda etnosaralyq kelisim men toleranttylyqty nyǵaıtý jóninde túsindirý jumysyn júzege asyrý.

Tsıfrlyq damý, ınnovatsııalar jáne aeroǵarysh ónerkásibi mınıstrligine:

- áleýmettik qamsyzdandyrý salasyndaǵy ýákiletti organ aıqyndaıtyn biryńǵaı tólemdi tóleý, aýdarý jáne bólý, sondaı-aq qaıtarý tártibin kelisý.

Qaýly 1 aqpanǵa deıin kópshilik talqylaýda bolady.