Birqatar mashına jasaý ónimi ulttyq rejımnen shyǵarylady

NUR-SULTAN. QazAqparat – Birqatar mashına jasaý ónimi ulttyq rejımnen shyǵarylady. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Bıyl mashına jasaý salasynda da ósim bolady dep josparlap otyrmyz. Naqty kólem ındeksi 113 paıyzdy quraıdy. Negizgi ósim mashına jasaý salasyndaǵy úlesi 35 paıyzdy quraıtyn avtomobıl qurastyrý sektory esebinen bolady. Avtokólik óndirisin 29 paıyzǵa arttyryp, 100 myń danaǵa deıin jetkizý, temirjol vagondaryn 180, aýylsharýashylyǵy tehnıkalaryn 58, akkýmýlıatorlar óndirisin 10 paıyzǵa jetkizý josparlanǵan», - dedi óńdeý ónerkásibin damytý jaıynda baıandaǵan mınıstr.

Onyń atap ótýinshe, otandyq óndirýshiden satyp alynǵan avtomobılderdi lızıngtik qarjylandyrý baǵdarlamasy jalǵasady.

«Sondaı-aq, birqatar mashına jasaý ónimi ulttyq rejımnen shyǵarylady», - dedi Beıbit Atamqulov.