Birgemiz: Úmit jobasyna 2 myńǵa jýyq volonter tartylady

NUR-SULTAN. QazAqparat - Qazaqstanda eriktilerdiń izdestirý is-sharalaryna qatysýyn keńeıtýge jáne halyqty tótenshe jaǵdaılardan qorǵaýǵa baǵyttalǵan Virgemiz: Úmit jalpyulttyq jobasy iske asa bastady, dep habarlaıdy QazAqparat.

Azamattyq bastamalardy qoldaý ortalyǵy baspasóz qyzmetiniń málimetigshe, áleýmettik jobany Aqparat jáne qoǵamdyq damý mınıstrligi qoldap otyr.

«Jobany iske asyrý barysynda joǵalǵan adamdardy izdeý jónindegi is-sharalarǵa volonterlerdi tartý úshin biz konkýrstyq negizde keminde 30 shaǵyn grantty usynamyz. Volonterlerdi neǵurlym kóp daıyndap, oqytsaq, jobany iske asyrý soǵurlym tıimdi bolady. Eń tabysty komandalardyń tájirıbesi 10 keıs jınaǵyna kiredi», - dedi «Qyzylorda eriktileri» QQ atqarýshy dırektory Olga Chebakova.

Bul sharaǵa keminde 2 myń qazaqstandyq tartylmaq. Olardyń 50-i – kúmis volonter qatarynan bolýy tıis.

Aıta keteıik, bıyl eriktiler kınologııalyq qyzmettermen yntymaqtastyqta belsendi jumys júrgizýge nıetti. Uıymdastyrýshylar qyzmettik ıtterdiń qutqarýshylarǵa tótenshe jaǵdaılarda adamdardy izdeýge jáne qutqarýǵa úlken kómek tıgizetinin aıtady.