Bir jylda jumys izdeýshiler sany aıtarlyqtaı ósken

Osy jyldyń tamyz aıynda elimiz boıynsha 240 myńnan astam adam jumys izdedi, dep habarlaıdy QazAqparat tilshisi.

«2023 jyldyń tamyzynda Qazaqstannyń 240 myńnan astam turǵyny hh.kz saıtynan jumys izdedi. Bul ótken jyldyń tamyzyndaǵy kórsetkishten 227 paıyzǵa kóp, al osy jyldyń shildesindegi kórsetkishten 12 paıyzǵa az. Tamyzda jumys izdeýshiler belsendiliginiń tómendeýi stýdentter men mektep oqýshylardyń jazǵy ýaqytta jumys izdeý maýsymynyń aıaqtalýyna baılanysty», - delingen jumys izdeýge arnalǵan hh.kz portaly taratqan málimette.

Tamyzda myna mamandyqtar boıynsha jumys izdegenderdiń qatary qalyń boldy: oqytýshy, muǵalim, satý jónindegi menedjer, klıentter jumys jónindegi menedjer, satýshy-keńesshi, satýshy-kassır, júrgizýshi, ákimshi, býhgalter, ınjener-konstrýktor, ınjener-jobalaýshy, baǵdarlamashy, satyp alý jónindegi menedjer, daıashy, barmen jáne barısta.

Ótken aıda bir bos jumys ornyna báseke tómendep, 4,5-ti qurady. Bul bir bos jumys ornyna 4-5 adamnyń úmitker bolǵanyn bildiredi.