Bir jylda un baǵasy 37% qymbattaǵan
«2022 jyldyń qańtar-maýsym aılarynda elimizde 1,6 mln tonna bıdaı uny óndirilgen. Bul – byltyrǵy kórsetkishten 1,5% kóp. Óńirler arasynda Qostanaı oblysy 552,4 myń tonna kórsetkishpen alda tur. Alǵashqy úshtikke Soltúistik Qazaqstan oblysy men (164,5 myń tonna) men Shymkent qalasy (141,5 myń tonna) kirip otyr», - dep jazylǵan saraptamada.
Qańtar-mamyr aralyǵynda un eksportynyń aqshalaı kólemi bir jyl ishinde 86,8% artyp, 292,6 mln dollar bolǵan.
«TMD elderine 212,7 myń tonna un jiberildi. Bul – byltyrǵydan 15,1% kóp. Sonyń ishinde Ózbekstanǵa 158 myń tonna un jóneltilgen. Bul – bir jyl burynǵy kórsetkishten 17,6% artyq», - dep jazady Energyprom.kz.
Al, TMD-dan tys elderdiń ishinde Aýǵanstanǵa eń kóp un eksporttalǵan. 552 myń tonnanyń 551,5 myń tonnasy osy eldiń úlesinde. Bul – byltyrǵydan 47,1% artyq.
«Bıylǵy shilde aıynda un baǵasy byltyrǵyǵa qaraǵanda 36,6% ósti. Birinshi surypty un kelisine 225 teńgeden satyldy. Al, joǵary suryp unynyń bir kelisi – 343 teńge. Іri qalalardyń ishinde eń qymbat un baǵasy Nur-Sultanda (424 teńge), eń arzan baǵa Pavlodarda (222 teńge) tirkeldi», - dep jazylǵan saraptamada.
Ashy q k ó zderden alyn ǵ an foto
