Bir jylda un 16% qymbattady
Un baǵasynyń 20% astamǵa ósýi birden jeti óńirde tirkeldi.
Qazaqstanda dándi jáne ósimdik daqyldarynan un óndirý bıyl qańtar–mamyr aılarynda shamamen 1,4 mln tonnany qurady. Іs júzinde kórsetkish bir jylda ózgerissiz qaldy. Onyń 1,3 mln tonnasy usaq untaqtalǵan bıdaı nemese sýrjık uny. Bul ótken jylǵy qańtar–mamyrǵa qaraǵanda 0,2% joǵary. Óz kezeginde usaq jáne iri untaqtalǵan ósimdik unyn óndirý 3,1 myń tonnany qurady. Kórsetkish ótken jylǵa qaraǵanda 21,8% tómen.
Bıdaıdan bólek, dándi daqyldardan usaq tartylǵan un óndirisi bir jylda birden 30,8%, 1,9 myń tonnaǵa azaıǵan. Al nan-toqash ónimderin daıyndaýǵa arnalǵan qospalar óndirisi 1,7%, ıaǵnı 87,7 myń tonnaǵa artty.
Dándi daqyldardan jarma, iri untaqtalǵan un, sondaı-aq ózge de ónimder shyǵarý 25,5%, 33,3 myń tonnaǵa tómendedi.
Bıylǵy mamyr aıynyń qorytyndysy boıynsha un baǵasy bir aıda 0,2% ósken. Bul ótken jylǵy mamyrmen salystyrǵanda 16,2% joǵary. Salystyryp qarasaq, ótken jyly aılyq ósim – 6,8%, al jyldyq ósim 29,9% bolǵan.
Óńirler arasynda bir jylda unnyń eń kóp qymbattaýy Pavlodar oblysynda baıqaldy, birden 41,8%. Odan keıin Batys Qazaqstan jáne Qyzylorda oblystary, tıisinshe 39,1% jáne 34,5%. Baǵanyń eń az ósýi Shymkent (jylyna 2%), SQO (8,4%) jáne Qaraǵandy oblysynda (11,2%) tirkeldi.
Un baǵasy bir óńirde, ıaǵnı Almaty oblysynda ǵana arzandady, biraq tek 0,9%.
Bıyl mamyrda joǵary surypty bıdaı unynyń ortasha baǵasy 375 teńgeni qurady (bir jyl buryn 322 teńge bolǵan). Baǵa 297 teńge (Pavlodarda) – 442 teńge (Astana) aralyǵynda qubylyp tur. Joǵary baǵalar Atyraý men Aqtaýda (qalalardyń árqaısysynda kelisi úshin 428 tg) tirkelgen. Arzan un Aqtóbe men Qaraǵandyda (kelisi úshin 300 tg jáne 303 tg) satylýda.
Ótken jyly mamyrdy birinshi surypty bıdaı unynyń kelisi 210 teńge tursa, bıyl mamyrda 236 teńgege ósti.
