«Bir el - bir kitap» - 2015» aktsııasy: «Kóshpendiler» romanyn nasıhattaýǵa arnalǵan alǵashqy is-shara ótti
Bıyl jappaı oqýǵa jazýshy Іlııas Esenberlınniń «Kóshpendiler» romany tańdap alyndy. Romannyń qazaq, orys jáne aǵylshyn tilindegi nusqalaryna Qazaqstandyq Ulttyq Elektrondy kitaphana portalyndaǵy www.kazneb.kz meken-jaıy boıynsha qoljetkizýge bolady.
Áleýmettik-mádenı aktsııanyń maqsaty - qazaq ádebıetin nasıhattaý, tarıhı-mádenı jáne rýhanı muramyzdy saqtaý, jastardy otanshyldyqqa ári ónegelilikke tárbıeleý, sondaı-aq oqyrmandardy oqýǵa, kitaphanaǵa tartý.
Bul kúni Atbasar qalasyndaǵy І. Esenberlın atyndaǵy ádebıet murajaıynan jetkizilgen qalamger qujattary men jeke buıymdarynyń kórmesi, "Qazaqty tarıhymen qaýyshtyrǵan qalamger" taqyrybyndaǵy kitap kórmesi, jansyz músinder kórmesi (han, búrkitshi, batyr), «Júktep al da, oqy!» ınstallıatsııasy («QR-code reader» arqyly telefon nemese planshetten «Kóshpendiler» romanyn júkteý múmkindigi) uıymdastyryldy. Budan bólek, romanda kórinis alǵan oqıǵalarǵa qatysty qazaq halqynyń salt-dástúrin sıpattaıtyn «Kóshpendiler mádenıeti» etno-aýyly, kitap mazmuny boıynsha aqparattyq saǵat, «Bilgenge marjan» saýalnamasy, sonymen qatar «І.Esenberlın ómiri men shyǵarmashylyǵy» boıynsha dáris (dárisker - tarıh ǵylymdarynyń kandıdaty, dotsent Amangeldi Qashqymbaev ótti.
Ulttyq akademııalyq kitaphanadaǵy aktsııa aıasynda «Kóshpendiler» romany boıynsha úzdik ádebı shyǵarma, úzdik kórkemsýret jáne «Oqý - bul sándi» taqyrybymen fotobaıqaý uıymdastyrylady. Baıqaýlar jyl aıaǵynda qorytyndylanady.
Sondaı-aq, Qazaqstan Respýblıkasy Mádenıet jáne sport mınıstrligi ókilderiniń, belgili tarıhshy-ǵalymdar - Bolat Kómekovtiń, Tursyn Jurtbaıdyń, Ǵarıfolla Esimniń jáne basqa da elge belgili tulǵalardyń qatysýymen brıfıng, jazýshy І.Esenberlınniń nemeresi Maǵjan Esenberlınmen onlaın-kezdesý boldy.
Baǵdarlama «Kóshpendiler» kórkem fılmimen jalǵasty.
