Bir-birimizdiń syrqattanyp qalǵanymyzdy sezemiz – qyzylordalyq egizder

QYZYLORDA. QazAqparat - Álem jurtshylyǵy jylma-jyl 29 mamyrda egizder kúnin atap ótedi. Otbasynda birden eki náresteniń dúnıege kelýi erekshe oqıǵa retinde baǵalanady. El arasynda olar jaıynda aıtylatyn qyzyqty áńgimeler de az emes. Keıingi jyldarda álemde egizderdiń dúnıege kelýi arta túsken kórinedi. Bul jylma-jyl atap ótetin egizder kúninde jıi aıtylyp jatady. Osy oraıda QazAqparat tilshisi Qyzylorda oblysy Aral aýdanynda polıtsııa bóliminde qyzmet atqaratyn Baıqazaq Saǵıev pen Álibı Aralbaevty áńgimege tartqan edi.

- Kópshilik arasynda egizder jaıynda túrli qyzyqty derekter aıtylyp jatady. Máselen, olardyń biri syrqattanyp qalsa, ekinshisi ony sezedi degenge saıady. Senderde osyndaı jaǵdaı bola ma?

Álibı:

- Árıne, bul jóninde aıtylatyn derekter ras ta shyǵar. Óıtkeni, biz bir-birimizdiń syrqattanyp qalǵanymyzdy sezemiz. Birimiz aýyryp qalsaq, ekinshimizdiń kóńil-kúıimiz túsip júredi.

Jahandyq jeli betterinde egizder jaıynda kóptegen derekter jazylyp jatady. Elimiz bul jóninen alǵashqy elý eldiń qataryna kiredi eken. Alǵaoqy orynda Nıgerııa memleketi turatynyn sol málimetten bilip óstik.

- Suhbat alardan buryn birqatar derek kózderine sholý jasaǵan edim. Myna derekter nazar aýdartty. Jasyna qaraı egizder 35-39 jastaǵy analardan kóp dúneıege keletin kórinedi. Qazaqstan egizderdi ómirge alyp kelýi jóninen álemde 48-orynda tur. Kósh basyndaǵy Nıgerııada árbir 22 adamǵa bir egizden keledi eken. Jer sharynyń tórtten bir bóligin quraıtyn Qytaı sońǵy orynǵa jaıǵasypty.

Álibı:

- Otbasymyzda bizden basqa egizder joq. Ózimizde búginde shańyraq kóterdik. Bala tárbıelep otyrmyz. Ázirge egizder dúnıege kele qoıǵan joq. Alla qalasa, egizder dúnıege keletin shyǵar degen oıdamyz.

- Ekeýiń de polıtsııa qyzmetine kelýge qyzyǵýshylyq bildirgen ekensińder. Oǵan ne sebep?

Baıqazaq:

- Iá, ekeýimiz aýdandyq polıtsııa bóliminde qyzmet atqaramyz. Qashanda qoǵamdyq tártipti saqtaýda polıtseılerdiń eńbegi orasan. Bala kezimizden atalǵan mamandyqqa qyzyǵýshylyq tanyttyq. Qazir ózim aýdandyq polıtsııa bóliminiń Jergilikti polıtsııa qyzmeti bólimshesiniń aǵa ýchaskelik polıtsııa ınspektory bolyp eńbek etip júrmin. Al syńarym Álibı bólimniń ýchaskelik polıtsııa ınspektory laýazymynda.

Álibı:

- Ekeýmiz de forma kıgen polıtsııa qyzmetkerlerine qyzyǵatyn edik. Sol maqsatymyzǵa jettik. Biz bul salany tańdaǵanymyzǵa eshqashan ókingen emespiz.

Ekeýmiz bir ýaqytta shańyraq kóterip, ata-anamyzdy qýanttyq. Ákemiz Aralbaı Saǵıev jáne anamyz Qazyna Abdýllaeva medıtsına salasynda dáriger qyzmetin atqardy. Qazir zeınet demalysynda. Joǵary bilim alýymyzǵa kómegin jasady. Ata-anamyzǵa degen alǵysymyz sheksiz.

- Qyzmetten qol bos ýaqytta qandaı qyzyǵýshylyqtaryń bar?

Álibı:

- Qolym qalt etkende shyǵarmashylyqpen aınalysamyn. Qleń jazýmen áýestenemin. Júrekjardy jyr shýmaqtarymdy dostarym joǵary baǵalap jatady. Qoǵamdyq jumystarǵa da belsene qatysamyn. Al Baıqazaq bos ýaqytynda túrli mýzykalyq aspaptarda oınaǵandy jaqsy kóredi.

- Qyzmet barysynda qandaı marapattarǵa ıe boldyńdar?

Baıqazaq:

- Ótken jyly QR Іshki ister mınıstrliginde kásibı qasıetterin, dene daıarlyǵyn, sondaı-aq halyqtyń pikirin tekserý jónindegi komıssııamen tańdalǵan birqatar úzdik ýchaskelik polıtsııa ınspektorlarynyń sleti ótkizildi. Barlyq qatysýshylar gramotalar men «Úzdik ýchaskelik ınspektory» tósbelgisimen marapattaldy. Men sletke qatysýshylar qatarynda boldym. Azamattarǵa kómektesý - meniń ómirlik ustanymy men basty boryshym. Aýdandaǵy qoǵamdyq tártipti saqtaý men qamtamasyz etýge qyzmet etip júrmiz. Bıyl 30 jasqa keldik. Birimizdiń polıtsııa qyzmetinde jumys atqaryp júrgenimizge 6 jyl tolsa, ekinshimizge 9 jylǵa aıaq basty.

Biz joǵary kórsetkishterge ıe bolǵanymyz úshin birneshe ret Qyzylorda oblystyq polıtsııa departamentiniń, aýdandyq polıtsııa bólimi bastyǵynyń, aýdan ákiminiń gramotalary men alǵys hattarymen marapattaldyq.

- Áńgimelerińe raqmet.

Eske salsaq, budan buryn Qyzylordada ótken ІT baǵytyndaǵy «Innofest-2022» konkýrsynyń jeńimpazy Sofııa Temirbolat tuńǵysh ret komıks formatynda kitap shyǵardy.

Ol konkýrstan utyp alǵan 500 myń teńgege óz ıdeıasyn iske asyryp, vırtýaldy ortamen qaýipsiz baılanys daǵdysyn damytatyn «Cyber City hıkaıalary» kitabyn jazyp shyqty. Jańa kitap oqýshylarǵa tsıfrlyq qaýipsizdikti túsindiredi. Ony qyzyqty qysqa komıks əńgimeler arqyly jetkizedi. Olardyń tehnologııalyq jəne dúnıetanymdyq salalar boıynsha bilimin qalyptastyrady.

- Komıks kitabynda balalardyń ınternettegi qaýipsizdik erejesi jóninde jan-jaqty qamtylǵan. Olardyń jańa termınderden habardar bolýyna, aqparattyq mədenıetti jetildirýge kómektesedi.

Kitaptyń tusaýkeserinde Qorqyt ata ýnıversıtetiniń ekonomıka jáne quqyq ınstıtýtynyń dırektory Nurlan Qulmyrzaev mundaı dúnıelerdiń gadjetterge áýes alfa urpaq balalarǵa ınternettegi kıberqaýipsizdik pen aqparattyq gıgıenany saqtaýǵa múmkindik beretinin aıtyp ótti. Jańa kitaptyń tusaýkeserinde men erekshe qajettiligi bar balalarǵa kitapty syıǵa tarttym, - dedi ol.