Byltyr elde alǵash ret ana óliminiń eń tómen kórsetkishi tirkeldi – DSM
ASTANA. KAZINFORM – Ótken jyly Ulttyq shuǵyl medıtsına ortalyǵymen birlesip 906 júkti jáne bosanǵan áıelge 2140 qashyqtyqtan medıtsınalyq qyzmet kórsetildi; sanıtarııalyq avıatsııa 165 ushý oryndady; jergilikti jerde 9 áıelge operatsııa jasaldy; oblystyq jáne respýblıkalyq klınıkalarǵa tasymaldanǵan aýyr jaǵdaıdaǵy 127 áıeldiń ómirin saqtap qaldy.
Akýsherlik-gınekologııalyq kómektiń sapasyn arttyrý jónindegi odan ári sharalar Densaýlyq saqtaý mınıstri Aqmaral Álnazarovanyń tóraǵalyǵymen bosandyrý qyzmetiniń jumysyn jetildirý jónindegi úılestirý keńesiniń otyrysynda qaraldy.
- Jalpy praktıka dárigerleriniń júktilik densaýlyǵy úshin emhana deńgeıindegi jaýapkershiligin kúsheıtý qajet, olardyń daǵdylary men bilimderin keńeıtý maqsatynda bilim berý baǵdarlamalaryn qaıta qaraý, jergilikti jerlerde kadrlardy tartý, olardyń biliktiligin arttyrý úshin yntalandyrý jasaý, sondaı-aq eń qıyn ýchaskelerde - bul bizdiń perzenthanalarymyz ben perınataldyq ortalyqtarymyzda jumys isteıtin mamandardyń mártebesin kóterý. Júkti áıelderge medıtsınalyq kómek kórsetýde, eń aldymen olardyń qaýipsizdigin qamtamasyz etýde, jergilikti jerlerde reanımatsııa jáne anestezıologııa máselelerin sheshýde naqty basymdyq berý kerek, - dep atap ótti vedomstvo basshysy.
2024 jyly Qazaqstanda alǵash ret ana óliminiń eń tómen kórsetkishi tirkeldi, bul Densaýlyq saqtaý mınıstrligi tarapynan qabyldanǵan júıeli keshendi sharalardyń, sondaı-aq alǵashqy býyn deńgeıinde sarapshylardyń, akýsher-gınekologtardyń, bosandyrý qyzmeti mamandarynyń mýltıdıstsıplınalyq komandasynyń birlesken jumysynyń nátıjesi boldy.
Júkti áıelderge medıtsınalyq kómek kórsetýdegi jaǵdaıdy jaqsartý maqsatynda Densaýlyq saqtaý mınıstrligi apta saıyn óńirlermen «Aýsherlik saǵat» ótkizedi, aýyr patologııasy bar áıelderge kún saıyn monıtorıng júrgizedi.
Bosaný salasynda anestezıologııa-reanımatologııa, kardıologııa, hırýrgııa, neırohırýrgııa, ınfektsııa, pýlmonologııa, tamyr hırýrgııasy, gematologııa, ýrologııa, gastroenterologııa jáne t. b. salalarda 40-tan astam jetekshi mamandy, professordy jáne ǵylymı jáne respýblıkalyq klınıkalardyń qyzmetkerin tarta otyryp, telemedıtsınalyq konsýltatsııalar praktıkasy keńinen engizilýde.
- Patologııasy, kúrdeli jaǵdaılary bar júkti/bosanǵan áıelderdi ýaqtyly anyqtaý jáne emdeý úshin Densaýlyq saqtaý mınıstrligi arnaıy baǵdarlamany bekitip, bosandyrý boıynsha 25 basym klınıkalyq hattamany qaıta qarady, - delingen habarlamada.
Sondaı-aq, bosandyrý qyzmetiniń ózekti máseleleri boıynsha respýblıkalyq jáne óńirlik saraptamalyq keńester jáne jedel den qoıý jáne aýyr/synı jaǵdaıda júkti áıelderge táýlik boıy konsýltatsııa berý úshin jetekshi beıindi mamandar qatarynan mýltıdıstsıplınalyq toptar quryldy.
Sonymen qatar, ár óńirde áıelderdi aýyr jaǵdaıda emdeýge jatqyzý úshin jeke posttar uıymdastyrylǵan.
Aıta ketelik Atyraýda dárigerler júkti áıelge kúrdeli otany tegin jasaǵan edi.