Byltyr 14 myńnan asa ózbekstandyq Qazaqstanǵa qonys aýdarǵan

TAShKENT. KAZINFORM — 2023 jyly Ózbekstannan ózge elderge 17,3 myń adam qonys aýdardy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstan statıstıka agenttiginiń dereginshe, ózbekstandyqtardyń basym bóligi Qazaqstanǵa (14 051 adam), Reseıge (2 670 adam), Ońtústik Koreıaǵa (107 adam) jáne Túrikmenstanǵa qonys aýdarǵan.

Bul rette turaqty turý úshin kóshken ózbekstandyqtardyń 81,4% eńbekke qabiletti jasta bolǵan.

Al osy aralyqta Ózbekstanǵa 2,9 myń adam qonys aýdardy.

Onyń basym bóligi reseılikter — 1,1 myń adam, odan keıin Qazaqstan — 726 adam jáne 286 tájikstandyq kóship kelgen.

Qosa ketsek, byltyr 1,2 mln qazaqstandyq Ózbekstanǵa týysqandarymen kórisý úshin barǵan.

Sondaı-aq, bir jylda Ózbekstan halqynyń sany 2,2 paıyzǵa ósip, 36,7 mıllıonnan asty.