Bilim salasy robotpen básekelesýge múmkindik bere me
«Jasandy ıntellektiniń paıdasy artyp, qoldanylý aıasy keńeıip jatyr. Bul búkil álem boıynsha jumys ornynan aıyrylyp qalýǵa alańdaıtyndar qataryn arttyrdy. Avtomattandyrý mansapqa qalaı áser ete alady? Pew Research zertteýine sensek, damyǵan on memlekettegi qyzmetkerlerdiń kópshiligi olardyń ornyn aldaǵy elý jylda kompıýter almastyratynyna senimdi eken. McKinsey kompanııasy usynǵan málimetterge sensek, 2030 jylǵa qaraı búkil álem boıynsha 800 mıllıon qyzmetkerdi robot almastyrady», - deı kele avtor bilim berý salasy robotpen básekelesýge múmkindik bere ala ma degen suraqqa jaýap izdeıdi.
«Mamandardyń aıtýynsha, mamandyq ózgerse de, únemi jańa qabiletterdi meńgerýdi qajet etetin bolady. Sol sebepti bilim berý salasyn túbegeıli ózgertý kerek. Bolashaq mamandyqtarda úsh aspekt bolady. Birinshiden, tehnıkalyq qabilet, ıaǵnı, kompıýtermen jumys isteýge ıkem qajet. Ekinshiden, málimettermen jumys isteý qabileti. Úshinshiden, adamnyń kompıýterdiń qolynan kelmeıtin qabiletteri. Mine, osy úsheýine basa nazar aýdarý kerek», - deıdi avtor.
Búkilálemdik ekonomıkalyq forým málimetterine sensek, avtomattandyrý kesirinen býhgalterlik esep sekildi mamandyq joıylady.
«Ózgeristerdiń joǵary jyldamdyǵynan tek jamandyq kórýge bolmaıdy. Bir jaqsysy, bul ózgerister úıde otyryp jumys isteý múmkindigin arttyrady. Bul ýnıversıtetterdiń úzdiksiz bilim berýge daıyndalýy kerektigin kórsetedi», - dep jazady avtor.