Bilim salasy ıntegratsııaǵa qashan da múddeli - BǴM
Forýmǵa kelgen EAEO elderiniń aldyńǵy qatarly sarapshylary, ǵylym men bilim salasynyń ókilderi kásibı mamandardy daıarlaýdaǵy máselelerdi talqylap, birtutas naryq kapıtaly qajet etetin mamandardy, jańa talaptardy anyqtamaq. Spıkerler jýyrda ǵana qurylǵan Memleketaralyq jelilik qarjy ınstıtýtynyń (Qazaqstan, Reseı, Armenııa, Belorýssııa men Qyrǵyzstannyń Joǵarǵy oqý oryndary bazasynda) mysalynda jelilik bilim berýdiń artyqshylyqtary týraly sóz qozǵady. EAEO elderiniń memlekettik mekemeleri men kvazımemlekettik sektorlaryna qarjy mamandaryn daıarlaý suraqtaryna erekshe mán berdi.
Bilim salasyndaǵy ıntegratsııanyń órisin keńeıtý jumysyn tilge tıek etken QR BǴM jaýapty hatshysy Aryn Orsarıev Qazaqstan tarapy izgi bastamalarǵa daıyn ekenin málim etti.
«Qazaqstan úshin bilim berý salasyndaǵy ıntegratsııa men ishki ıntegratsııanyń naqty bastamalary óte mańyzdy. Bilim berý salasy bizdiń eýrazııalyq ıntegratsııadaǵy eń ozyq baǵyttardyń biri bolyp tabylady. 90-shy jyldardan beri bizdiń bilim berý mekemelerimizdiń arasyndaǵy qarym-qatynas joǵary deńgeıde nyǵaıyp keledi. 2016 jyldyń sáýir aıynda Máskeýde Halyqaralyq jelilik ýnıversıtet qurý týraly memorandýmǵa qol qoıyldy. Qazirgi tańda Qazaqstan ozyq tájirıbeler men bilim berý ınnovatsııalarynyń el damýyna járdemdesýine múddelilik tanytyp otyr. Qazaqstannyń 50-den astam joǵary oqý oryndarynda EAEO-tyń joǵary oqý oryndarymen birge qosdıplomdy baǵdarlamasy bar», - deıdi Aryn Orsarıev.
QR BǴM ókiliniń aıtýynsha, Qazaqstan jyl saıyn sheteldik bilikti mamandardy tartý úshin tek qana joǵary oqý oryndarynyń resýrstaryn ǵana emes, memleketten de qarajat bóledi. Ol baǵyttaǵy jumys qazaqstandyq bilim berý sapasyn arttyrýǵa zor úlesin qosyp keledi.
«Elimizdiń 9 ýnıversıteti QS reıtıngine endi. Bıylǵy jyly Qazaqstannyń bazasy negizinde Ortalyq Azııa bilim berý habyn qurylǵanyn jarııaladyq. Biz Qazaqstan eýrazııalyq keńistik sheńberinde bilim berý qyzmetterin kórsetý salasynda básekege qabiletti bolýyn qalaımyz», - deıdi Orsarıev.
