Bilim mınıstrligi muǵalimderdiń biliktiligin arttyrý talabyna túsinik berdi

NUR-SULTAN. QazAqparat – QR Bilim jáne ǵylymmınıstrligi Mektepke deıingi jáne orta bilim komıteti tóraǵasy Gúlmıra Kárimova pedagogterdiń biliktiligin 3 jylda bir ret arttyrýǵa qatysty túsinik berdi, dep habarlaıdy QazAqparat tilshisi.

Onyń aıtýynsha, muǵalimderdiń biliktiligin arttyrýdyń 3 jyldyq modelin engizý halyqaralyq tájirıbege negizdelgen.

«Damyǵan elderdiń halyqaralyq tájirıbesin qarastyrsaq, Sıngapýr, Fınlıandııa sııaqty elderde biliktilikti arttyrý jylyna keminde bir ret, al Reseı Federatsııasynda keminde úsh jylda bir ret júzege asyrylady. Kýrstardy oqytýdan basqa, bul elderde pedagogterdiń biliktiligin arttyrý úshin kásibı qoǵamdastyqtardaǵy jumys júıesi, konferentsııalarǵa qatysý, úzdik pedagogterdiń sabaqtaryna qatysý jáne kásibı damýdyń basqa da nysandary paıdalanylady», - dedi N. Kárimova Ortalyq kommýnıkatsııalar qyzmetinde.

Halyqaralyq zertteýlerdegi kýrstyq daıarlyqtyń tıimdiligin baqylaý boıynsha kýrstarda jańa pedagogıkalyq tehnologııalardy jaqsy meńgergen pedagogterdiń 5% - y kýrstyq oqytýdan keıin 1 jyl ótken soń óz praktıkasynda kýrsta oqyp, úırengen kontentti belsendi paıdalanýdy toqtatý faktileri baıqalady. Bul fakt reprodýktıvti daǵdylardy qalyptastyrýdan izdeý daǵdylaryna aýysýdyń kúrdeliligin kórsetedi.

Onyń sózine qaraǵanda, Qazaqstan álemniń 48 elimen qatar TALIS halyqaralyq zertteý nátıjeleri boıynsha qazaqstandyq pedagogterdiń 86%- y kásibı damý boıynsha is-sharalarǵa qatysýdyń pedagogıkalyq praktıkaǵa oń áserin tıgizetinin atap ótti. Pedagogıkalyq qyzmetti jańadan bastaǵan muǵalimderdiń shamamen 70%-y kásibı deńgeıiniń jetkiliksizdigine, mektep ortasyna beıimdelýge baılanysty qıyndyqtarǵa tap bolady. Osyǵan baılanysty, jas pedagogter kem degende úsh jylda bir ret biliktiligin arttyrýdy qajet etedi.

Búgingi tańda halyqaralyq tájirıbede «biliktilikti arttyrý» tujyrymdamasy pedagogterdiń úzdiksiz kásibı damý tujyrymdamasyna aýystyryldy. Biliktilikti arttyrý júıesi ýaqyt talaptaryna sáıkes kelýi kerek bolǵandyqtan, ol úzdiksiz sıpatta bolýy kerek. Osyǵan oraı, biliktilikti arttyrý kýrstarynan ótý jıiligin keminde úsh jylda bir ret arttyrý qajettiligi, eń aldymen, pedagogterdi úzdiksiz damytý tujyrymdamasynyń prıntsıpterine, jetekshi bilim berý elderiniń senimdi nátıjelerine, pedagogıka salasyndaǵy ǵylymı teorııalarǵa, halyqaralyq monıtorıngtik zertteýlerge negizdelgen.