Bilim mınıstri: UBT-ny tıisti deńgeıde ótkizýge daıynbyz

NUR-SULTAN. QazAqparat - Ulttyq biryńǵaı testileýdiń materıaldary 100 paıyz basyp shyǵaryldy. Bul týraly Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«UBT-ny uıymdastyrý jumystary jalpy búgingi kúni aıaqtalýǵa jaqyn. Testileý materıaldary 100 paıyz basylyp shyǵaryldy. Barlyq aýdıtorııalar tıisti qurylǵylarmen 100 paıyz jabdyqtaldy. UBT ótkizý pýnktterine beıne kórsetilim manıtorlary da ornatylyp bitti», - dedi mınıstr.

Onyń atap ótýinshe, UBT ótkizý boıynsha barlyq quzyrly organdardyń jaýapkershiligine qatysty QR Úkimet basshysynyń orynbasary Eraly Toǵjanov tıisti mindetterdi bekitti.

«Birinshiden, Іshki ister mınıstrligine qaýipsizdik sharalaryn qatamasyz etý, ekinshiden, jergilikti atqarýshy organdarǵa barlyq UBT ótkizý pýnktterin tosqaýyl taspalarymen, zalalsyzdandyrý týnnelderimen, teplovızorlarmen, sanıtaızerlermen, zalalsyzdandyrý kilemshelerimen, respıratorlyq maskalarmen qamsyzdandyrý jáne qamtamasyz etý mindeti qoıylyp otyr. Jalpy, UBT ótkizýge arnalǵan daıyndyq jumystaryn júrgizý jalǵasyp jatyr. Mınıstrlik ákimdiktermen, quqyq qorǵaý organdarymen jáne Densaýlyq saqtaý mınıstrligimen birlesip, sanıtarlyq talaptardy qatań saqtaı otyryp, tıisti deńgeıde UBT-ny ótkizýge daıyn. Barlyq uıymdastyrý jumystary búgingi kúni aıaqtalýǵa jaqyn. Daıyndyq bar», - dedi Ashat Aımaǵambetov.