Bılik qoǵammen dıalogqa, reformaǵa múddeli bolyp otyr – Aqserik Áıtimov
Onyń aıtýynsha, Prezıdent Qasym-Jomart Toqaev Ulttyq qoǵamdyq senim keńesiniń ekinshi otyrysynda kóptiń kóńilinde júrgen kóptegen saýaldarǵa jaýap berdi.
Memleket basshysy eń aldymen bıliktiń qoǵammen dıalog ornatyp, reforma jasaýǵa múddeli ekendigin atap kórsetti. Shynynda da qazirgi tańda ár túrli pikirlerdiń aıtylyp jatqandyǵy belgili. Muny kúndelikti ómirden, áleýmettik jelilerden ańǵarýǵa bolady. Mine, osynyń ishinde eń qundy usynys-pikirlerdi iriktep, saraptap alyp, qorytyndy jasaýǵa bolady.
Osy oraı Ulttyq qoǵamdyq senim keńesimen birge óńirlerdegi qoǵamdyq keńester de barynsha septese alady. Sonyń negizinde reformalyq qadamdar jasaýǵa bolady. Bul jóninde Prezıdent óz sózinde naqty aıtty.
Beıbit jıyndar týraly jańa zań jobasy, saıası partııa qurýda jeńildik berý, Parlamentte saıası azshylyqtyń negizin zań júzinde bekitý, Qylmystyq kodekstegi 174-baptyń izgilendirilýi, 130-baptyń ákimshilik kodekske aýystyrylýy, mine, bul eldiń birligin nyǵaıta túsetin tyń qadamdar bolyp tabylady.
Eń bastysy, árkimniń óz pikirin erkin aıtyp, oıyn tolyq jetkizýine múmkindik jasalyp otyr.
Aýyl sharýashylyǵy jerlerin tıimdi paıdalaný qajettigi esh kúmán týǵyzbaıdy. Bul rette Qasym-Jomart Kemeluly birqatar oblystarda jerge ǵaryshtyq monıtorıng júrgizý jónindegi pılottyq jobanyń barlyq ázirlik jumystaryn aıaqtap, júzege asyrý týraly tapsyrma berdi.
«Buǵan joǵary oqý oryndary da óz úlesterin qosa alady. «QazIITÝ» ǵylymı-bilim keshenine qarasty oqý oryndary jańa tehnologııalardy meńgerip, eń ozyq jańalyq-ózgeristerdi engizýge kúsh salyp keledi. Bizdiń keleshegimiz – tsıfrlyq ekonomıka. Sondyqtan mamandar daıarlaý máselesin de osymen sabaqtastyra bilýimiz kerek. Sonyń ishinde jastarymyz ǵaryshqa qatysty mamandyqtardy ıgerip, zertteý máselelerimen aınalysýy qajet», dep túıindedi oıyn Aqserik Saryuly.
Eske sala keteıik, budan buryn Bolat Jeksenǵalıevtiń qazaq tilin reformalaımyz desek, táýekelshil qadamdar qajettigin aıtqan bolatyn.
