Bıylǵy jylytý maýsymynda qaı qalalarda problema týyndaýy múmkin

Úkimet otyrysynan keıin BAQ ókilderiniń saýalyna jaýap bergen Energetıka vıtse-mınıstri Jandos Nurmaǵanbetov bıylǵy jylytý maýsymynda olqylyq shyǵý táýekeli joǵary qalalardy atady, dep habarlaıdy QazAqparat tilshisi.

«Mundaı táýkel barlyq qalada bar. Birinshi kezekte - byltyrǵy jylytý maýsymynda problema shyqqan shaharlar. Bıyl jylytý kezeńi shtattyq rejımde ótedi dep josparlap otyrmyz. Degenmen eshqandaı kepildik bere almaımyz. Qazirgi tańda bizdi Aqtaý qalasyndaǵy jaǵdaı alańdatady, naqty aıtqanda MAEK boıynsha másele áli de bar. Temirtaýdaǵy №2 jylý elektr ortalyǵynda jóndeý jumystary keshigip jatyr. Ekibastuzda jylytý maýsymyna daıyndyq aıaqtalyp qaldy. Onda bıyl másele týyndamaıdy dep oılaımyz. Al Rıdder qalasyna kelsek, oǵan qarajat kesh bólindi. Qazir jóndeý júrip jatyr, qyrkúıek aıynyń sońyna qaraı eki qazandyq daıyn bolady degen jospar bar. Men atap ótken qalalardaǵy jaǵdaıdy Energetıka mınıstrligi erekshe baqylaýda ustap otyr», - dedi Jandos Nurmaǵanbetov BAQ ókilderiniń saýalyna.