Bıylǵy 8 aıda syrtqy taýar aınalymy 124 mlrd dollarǵa jetti
ASTANA. KAZINFORM – Osy jyldyń 8 aıynda elimizdiń úshinshi memlekettermen syrtqy taýar aınalymy 124 mlrd dollarǵa jetti. Bul týraly Qarjy mınıstrliginiń Memlekettik kirister komıteti tóraǵasy orynbasarynyń mindetin atqarýshy Ǵabıt Orazov aıtty.
«Úshinshi eldermen syrtqy taýar aınalymy 2024 jylǵy 8 aıda 124 mlrd AQSh dollaryn, onyń ishinde eksport - 94 mlrd AQSh dollaryn, ımport 28,5 mlrd AQSh dollaryn qurady.esepti kezeńde 819 myń tranzıttik deklaratsııa resimdeldi nemese ótken jylǵy uqsas kezeńmen salystyrǵanda 119,4 myńǵa artyq Ósim qarqyny 17 paıyz boldy. Ótkizilgen taýarlardyń jalpy salmaǵy 13 mln tonnaǵa jýyqtady. Ósim qarqyny – 12 paıyz», - dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, 2023 jyly Memlekettik kirister komıteti búgingi kúni EAEO syrtqy jáne ishki shekarasyndaǵy barlyq avtomobıl ótkizý pýnktinde sátti jumys isteıtin ınnovatsııalyq elektrondyq kezek júıesin engizdi. Júıe «Qoldau.kz» platformasynda jáne «CargoRuqsat» mobıldi qosymshasy arqyly jumys isteıdi.
«2024 jylǵy 8 aıda úshinshi eldermen shekaradaǵy avtomobıl ótkizý pýnktteri arqyly 860 myńnan astam avtokólik quraly ótti. Ótken jyldyń 8 aıynda 621 myńnan astam avtokólik quraldary júrip ótken edi. tranzıttik deklaratsııany resimdegeni úshin 18,5 mlrd teńge somasyna kedendik alymdar óndirilip alyndy», - dedi Ǵabıt Orazov.
