Bıylǵy 4 aıda 45,1 myń páter paıdalanýǵa berildi

ASTANA. KAZINFORM – Bıyl 4 aıda 45,1 myń páter paıdalanýǵa berildi. Bul týraly Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov aıtty.

- Qurylys ekonomıkanyń negizgi salalarynyń biri. 2024 jyldyń qorytyndysy boıynsha qurylys salasynda oń nátıjelerge qol jetkizildi. Respýblıka boıynsha 18,9 mln sharshy metr jańa turǵyn úı nemese 170,5 myń páter salyndy. Ótken jyly memlekettik ınvestıtsııalar esebinen 30,6 myń páter salynyp, 9 myń jeńildikti zaımdar berildi, - dedi ol Ortalyq kommýnıkatsııalar qyzmetindegi brıfıngte.

Onyń atap ótýinshe, bıyl ekonomıkalyq ósýdi qamtamasyz etý jónindegi birinshi kezektegi is-qımyldar josparyna sáıkes, 2025 jyly azamattardy turǵyn úımen qamtamasyz etýdiń qosymsha sharalaryn engize otyryp, 19,2 mln sharshy metr turǵyn úı nemese 176,6 myń páter josparlanyp otyr.

- Osy jyldyń 4 aıynyń qorytyndysynda 4,9 mln sharshy metr turǵyn úı nemese 45,1 myń páter paıdalanǵaberildi. Memlekettik qoldaý esebinen bıyl Qazaqstan turǵyn úı kompanııasynyń ákimdikterge oblıgatsııalyq nesıeler berýi esebinen kredıttik turǵyn úıdiń 12 myń páterin, respýblıkalyq bıýdjet esebinen 5,1 myń jalǵa beriletin turǵyn úı satyp alý josparlanyp otyr»,- dedi Baqytjan Júnisbekov. 

Buǵan deıin kez kelgen Qazaqstan azamaty turǵyn úıge muqtaj retinde esepke tura alatyn portal ashylǵanyn jazǵan edik.