Bıyl Pavlodar oblysynda 22 aýyldyń ákimi saılanady

PAVLODAR. KAZINFORM - Sońǵy tórt jylda óńirdegi 120 aýyl ákimi turǵyndardyń daýys berýimen saılanǵan.

Oblystyq aýmaqtyq saılaý komıssııasynyń málimetinshe, oblystaǵy aýyldardyń 95,2 paıyzynda ákimder saılaný jolymen qoıylǵan. Bul Memleket basshysynyń saıası reformalaryn iske asyrý sheńberinde júzege asyp otyr.

- 2025 jyldyń sońyna deıin ákimderdi tikeleı saılaýmen oblystyń aýyldyq okrýgteri 100 paıyz qamtylatyn bolady. Bıyl Pavlodar óńirinde qalǵan 43 aýyl ákimi saılanady. Sońǵy ret Aqsý, Ekibastuz qalalarynyń aýyldyq aımaqtary, Aqqýly, Aqtoǵaı, Jelezın, Pavlodar jáne Ýspen aýdandarynyń ákimderin halyq tańdady. Kezekti saılaý Baıanaýyl aýdany Jańajol aýylynda ótpek. Saıası naýqanǵa 3 kandıdat tirkeldi, - deıdi oblystyq aýmaqtyq saılaý komıssııasynyń múshesi Gúlsim Súıindikova.

Eske sala keteıik, bıyldan bastap barlyq aýdan ákimderin halyq tikeleı saılaıdy.