Bıyl Qyzylorda oblysynda 52 tsentner kúrish ónimi jınaldy

QYZYLORDA. KAZINFORM — Qyzylorda oblysynda bıyl kúrishtiń joǵary ónimdiligi baıqalǵan. Oblysta aýyl sharýashylyǵy daqyldary 189 myń gektarǵa egildi, onyń 85,6 myń gektary kúrish alyp jatyr. Búgingi tańda 50,3 myń ga kúrish daqyldary jınaldy, 42,7 myń ga bastyryldy. Ortasha ónimdilik 52 ts / ga-dan asty. Bul týraly QR AShM baspasóz qyzmeti málim etti.

Aǵymdaǵy jyly memlekettik qoldaý sharalarynyń arqasynda sharýashylyqtar barlyq agrotehnologııalardy saqtaı otyryp, kóktemgi egis jumystaryn júrgizýge múmkindik aldy.

Máselen, «Tan LTD» JShS aldyńǵy qatarly kúrish sharýashylyǵynda kúrishtiń ortasha ónimdiligi 85 ts/ga quraıdy, bul ótken jylǵy kórsetkishten 15 ts/ga joǵary.

Qytaılyq kompanııamen birlesip tamshylatyp sýarý ádisin paıdalana otyryp, 3000 ga alqapta júgeri egý jobasy iske asyrylýda. Qazirgi ýaqytta bul ádis 800 ga daqylǵa qoldanylady.

Jalaǵash aýdanynyń «Er-Áli» ShQ-da aýyl sharýashylyǵy daqyldary egistiginiń jalpy aýdany 3500 ga quraıdy, onyń 1300 ga kúrishpen qamtylǵan. Fermadaǵy kúrishtiń ónimdiligi rekordtyq kórsetkishke jetedi - ortasha eseppen 90 ts/ga.

Aımaqta kúrishten basqa jońyshqa, kartop, kókónister jáne basqa da daqyldar ósiriledi. Qarqyndy baqtar salý boıynsha jobalar belsendi damyp keledi.