Bıyl ınternet-saýdada 8 myńnan astam alaıaqtyq faktisi tirkeldi

Bıyl ınternet-saýdada 8 myńnan astam alaıaqtyq faktisi tirkeldi. Mundaı derek Májilis depýtattarynyń saýalyna Bas prokýror Berik Asylovtyń jaýabynda keltirilgen, dep habarlaıdy Kazinform.

«Azamattardyń aryz-shaǵymdary boıynsha bıylǵy jyly osy salada (Internet-saýdaǵa jəne qyzmetterge qatysty alaıaqtyq əreketter) jasalǵan alaıaqtyq faktileri boıynsha 8 myńnan astam qylmystyq is (19 864-tiń 8 747-si nemese 44 paıyzy) tirkelgen. Onyń ishinde 1,8 myńnan astam (1871) is aıaqtalsa, qalǵandary qylmystyq qýdalaý organdarynyń is júrgizýinde», - dedi Berik Asylov jaýabynda.

Sonymen qatar ol Aıs Muratovaǵa (A.Qojamuratova) qatysty qylmystyq is boıynsha Almaty qalalyq polıtsııa departamenti tergep-tekserýdi jalǵastyryp jatqanyn atap ótedi.

«Ol kúdikti retinde tanylyp, sot úıqamaq túrindegi bultartpaý sharasyn tańdady. Qazirgi ýaqytta qylmystyq qýdalaý organdaryna elimizdiń ər óńirinen azamattardan 267 aryz tústi. Keltirilgen shyǵynnyń jalpy somasy shamamen 500 mln teńgeni, tapsyrys quny ərbir jəbirlenýshiden 10 myńnan 1,8 mln teńgege deıin somany quraıdy. Іs qadaǵalaýshy prokýratýranyń baqylaýynda», - dedi Bas prokýror.