Bıyl elimizdegi sheteldikterge 1 mlrd teńge aıyppul salyndy

ASTANA. KAZINFORM – Jyl basynan beri 63 myńnan astam sheteldik ákimshilik jaýpkershilikke tartyldy. Bul týraly búgin Іshki ister mınıstrligi Kóshi-qon qyzmeti komıtetiniń tóraǵasy Aslan Atalyqov aıtty.

«Elimizdegi sheteldikterdiń kópshiligi zańǵa baǵynatyn azamattar. Biraq zań talaptaryn buzatyndar da bar. Bıyl 63 myńnan astam sheteldik ákimshilik jaýpkershilikke tartyldy. 1 mlrd teńge somasynda aıyppul salyndy», - dedi A.Atalyqov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, 11 myń sheteldiktiń ýaqytsha turý merzimi qysqartyldy.

«7 700 sheteldik elimizdiń aýmaǵynan tys shyǵaryldy. Budan bólek, sheteldik jumys kúshin zańsyz tarqany úshin 2 500 jumys berýshige aıyppul salyndy. Ýákiletti organnyń tıisti ruqsatynsyz sheteldikterdi jumysqa birneshe ret zańsyz tarqany úshin 7 jumys berýshi qylmystyq jaýapkershilikke tartylyp jatyr. Zańsyz kóshi qondy uıymdastyrǵany úshin polıtsııa 46 qylmystyq is qozǵady», - dedi komıtet basshysy.