Bıyl elimizde 341 myń bala 1-synypqa qabyldanady

ASTANA. KAZINFORM – Jańa oqý jylynda orta bilim berý júıesine jasandy ıntellekt engiziledi. Bul týraly Oqý-aǵartý mınıstri Ǵanı Beısembaev málim etti.

- Qazirgi kezde elimizde 8 myńan asa mektepte 4,1 mıllıon oqýshy bilim alýda. Bıyl 341 myń búldirshin 1-synypqa qabyldanady. 11-shi – mektep bitiretin synypqa 232 myń oqýshy ótti. Jańa oqý jylynyń ereksheligi – orta bilim berý júıesine jasandy ıntellekt engiziletin bolady. Ol úshin «Tsıfrlyq saýattylyq» jáne «Informatıka» pánderine jasandy ıntellekt ıntegratsııalandy, etıkalyq standarttary bekitildi. 1-11-synyp oqýshylaryna arnalǵan Deı-of-eı-aı («Day of Al») onlaın kýrstary jáne pedagogterge arnalǵan kýrstar ázirlendi, - dedi Ǵ. Beısembaev Úkimet otyrysynda.

Onyń aıtýynsha, jańa oqý jylynan bastap Memleket basshysynyń tapsyrmasyna sáıkes,

«Keleshek mektepteri» modelin basqarý júıesi iske qosylady. Osy maqsatta «Keleshek mektepterin» basqarýdyń jáne akkredıtteýdiń standarttary ázirlendi, onda úsh deńgeıli kýrstardan ótken 3 myńnan astam pedagog jańa oqý jylynda jańasha jumys bastaıdy. 

Aıta keteıik, Memleket basshysy Qasym-Jomart Toqaev jasandy ıntellekt salasyn retteý tetikterin jetildirýdi taǵy bir mańyzdy mindet retinde aıqyndady.